Жоғары Сот Кеңесі жанындағы Сот жюриінің кезекті отырысы өтті

Жоғары Сот Кеңесі жанындағы Сот жюриінің кезекті отырысы өтті.

Отырыста 9 судьяға қатысты 9 тәртіптік іс қаралды.

Қарау нәтижесінде сот ісін қарау кезінде заңдылықты өрескел бұзғаны үшін 3 судья тәртіптік жауаптылыққа тартылды (1 судьяға – сөгіс, 2 судьяға – ескерту түрінде жаза қолданылды).

6 судьяға қатысты тәртіптік істер заңнамада көзделген негіздер бойынша тоқтатылды.

Судья берілген тәртіптік жазаға Жоғары Сот Кеңесіне шағымдана алатындықтан, Сот жюриінің  шешімдері әлі заңды күшіне енген жоқ.

Жоғары Сот Кеңесі мен Сот жюриінің қызметі сот жүйесіне деген сенімді арттыруға, судьялардың тәуелсіздігін қамтамасыз етуге және тәртіптік рәсімдер аясында олардың құқықтарын қорғауға бағытталған.

Жоғары Сот Кеңесі тәртіптік тәжірибені жетілдіру және судьялардың кәсібилігі мен жауапкершілігінің жоғары деңгейін қолдау бойынша жүйелі жұмысты жалғастыруда.