Жоғары Сот Кеңесі Астана қаласының Адвокаттар алқасының біліктілікті арттыру орталығымен бірлесіп, «Судья лауазымына үміткерлерді конкурстық іріктеу тәртібі» тақырыбында адвокаттарға арналған онлайн-семинарлар өткізді

Іс-шараға Жоғары Сот Кеңесінің мүшелері Алтын Айтуарова мен Ғалымжан Нұрлықұлов, Аппарат қызметкерлері, Біліктілікті арттыру орталығының өкілдері, сондай-ақ 1200-ден астам адвокат қатысты.

Семинарлар барысында қатысушыларға конкурстық іріктеудің негізгі кезеңдері, құжаттарды тапсыру тәртібі, біліктілік емтиханының құрылымы, құзыреттер бойынша әңгімелесу рәсімі және үміткерлердің кәсіби әрі жеке қасиеттерін бағалау тәсілдері егжей-тегжейлі түсіндірілді.

Кездесу аясында судья болуға ниетті заңгерлер тарапынан қойылған сұрақтарға жан-жақты әрі нақты жауаптар берілді.

Жоғары Сот Кеңесі кадр саясатының ашықтығын арттыру, заңгерлік қауымдастықпен сындарлы байланыс орнату және судьялар корпусының оң имиджін қалыптастыру бағытында жүйелі жұмысты жалғастыратын болады.

#JoğarySotKeñesı 

ҚР ЖСК Баспасөз қызметі