Шығыс Қазақстан облысы Зайсан ауданы Қарабұлақ ауылдық округі әкімінің аппараты

Қарабұлақ ауылдық округі 1924 жылы құрылған.
Әкімшілік орталығы – Қарабұлақ ауылы. Қарабұлақ ауылы Зайсан қаласынан 20 км қашықтықта орналасқан. Облыс орталығы Өскемен қаласынан 440 км. қашықтықта орналасқан. Аумағы – 126 127 га, оның ішінде шабындық жер – 3762 га, жайылымдық жер – 112068 га, егіндік жер – 4816 га. Екіден бір бөлігін таулы аймақтар құрайды.

Елді-мекендер–5 (Қарабұлақ Дауал, Қаратал-Талды, Сәтпай, Мұқашы). Халық саны 2417 адам. Халықтың экономикалық белсенді бөлігі 926 жоғары адамды құрайды. Зейнеткерлер - 272, әр түрлі жәрдемақылар алатын азаматтар саны – 232.
Халықтың ұлттық құрамы: қазақтар - 97,5 %, басқа ұлттар 2,5% құрайды.

Ауыл округі географиялық жағдайынан тиімді орналасқан. Аумақ арқылы республикалық маңызы бар автокөлік трассасы өтеді.
Округте 106 шаруа қожалығы, 1 диірмен, 1 кіші наубайхана, 2 май сығатын цех, 5 дүкен, 1 мал дәрігерлік қызмет, 1 шаштараз, 1 дәріхана жұмыс істейді. Қоғамдық сферада 1 дәрігерлік амбулатория, 1 кітапхана, 1 стадион, 1 спорт зал, 1 мәдениет үйі, 1 орта мектеп бар. Мектепте 445 оқушы оқиды. ЖШС «Балық Восток Продукт» зауыты 2005 жылдан бастап өз жұмысын бастап ауылымыздан 120-дай азаматты жұмыспен қамтып отыр. 2006 жылы ауылымызда ет комбинаты ашылып, басшысы “Асық” шаруа қожалығының жетекшісі А.Көпенов облыстық бюджеттен 15 млн. теңге несие алып күрделі жөндеу жұмыстарын жасап, мал сою цехын ашып, ауылымыздан 15-тей азаматты жұмыспен қамтып отыр. Алдағы уақытта бұл цехты жетілдіре отырып, сапалы дайын өнімдер шығару жоспарланып, қондырғылары сатылып алынуда. Ауылшаруашылығы өнімдерін өндірумен 106 шаруа қожалығы айналысады. Оның ішінде: қой шаруашылығы және егін егумен 101 шаруа қожылығы айналысса, 5 шаруа қожалығы ірі қара мал өсірумен айналысады. 479 аула бар. Оның 462 мал бағумен айналысады (96%) және жеке меншік қосалқы шаруашылықпен айналысады.

Мекен-жайы                         070705,Зайсан ауданы, Қарабұлақ ауылы, Абай Құнанбайұлы көшесі №12А

Байланыс телефон.            8(72340) 50-918, 8(72340) 50-423

Е-mail                                        a.itzanov@akimvko.gov.kz