«МЕРЕЙЛІ ОТБАСЫ» ҰЛТТЫҚ КОНКУРСЫНЫҢ АУДАНДЫҚ КЕЗЕҢІН ӨТКІЗУ ТУРАЛЫ ХАБАРЛАНДЫРУ

«Мерейлі отбасы» ұлттық конкурсы адамгершілік құндылықтарды жандандыруға және отбасы мен некенің оң имиджін дамытуға, отбасы мәртебесін арттыруға бағытталған.

 

Конкурсты  өткізудің  мақсаттары:

• отбасы институтын, адамгершілікті, руханилықты нығайту, жауапты ерлі-зайыптылықтың маңызын тану;
• ата-аналардың бала тәрбиелеудегі жауапкершілігін арттыру;
• отбасылық құндылықтарды, кәмелетке толған балаларының еңбекке қабілетсіз  және егде  жастағы  ата-аналарына  қамқор болуын дәріптеу  және кеңінен  насихаттау;

4)  қазақстандық отбасының  жағымды  имиджін насихаттау.

Конкурсқа отбасылар өзін-өзі ұсыну жолымен, сондай-ақ жергілікті атқарушы органдардың, заңды тұлғалардың ұсынуы бойынша қатысады.

Конкурсқа қатысуға мүшелерінің еңбекте, спортта, шығармашылық, зияткерлік, ғылыми жетістіктері бар, сондай-ақ қоғамдық пайдалы қызметке қатысатын (волонтерлік, қайырымдылық, меценаттық, тәлімгерлік) отбасылар жіберіледі.

Төмендегі жағдайда:

1) Қызметі Қазақстан Республикасының  аумағында  тыйым  салынған ұйымдардың  құрамына кіретін (кірген)  мүшелері бар;

2)  Бұрын сотталған  мүшелері  бар отбасылар  байқауға  қатыса алмайды.

Өтінімдер аудандық комиссияға 2025 жылғы 15 мамыр - 15 маусым аралығында қабылданады.

Көрсетілген мерзімнен кейін құжаттарын тапсырған үміткерлер конкурсқа қатысуға жіберілмейді.

Конкурсқа  қатысу үшін  өтінім  мен құжаттар  Зайсан қаласы, Д. Қонаев көшесі 54  «Зайсан ауданының ішкі саясат бөлімі» ММ-не  қабылданады.

Толық ақпарат алу үшін 8(72340)27-113 8-705-802-69-64 нөмірлеріне хабарласуға болады.