Жаңа жылдық сыйлық ретінде: 4G интернет Украинка ауылында іске қосылды

30 желтоқсанда Жаңа жылдық мерекелер қарсаңында Шығыс Қазақстан облысы Ұлан ауданы Төлеген-Тоқтаров ауылдық округінің Украинка ауылында 4G мобильді интернет стандарты іске қосылды.
 Жоба Шығыс Қазақстан облысы цифрландыру және мұрағаттар басқармасының, Ұлан ауданы әкімдігінің және "Мобайл Телеком Сервис" ЖШС байланыс операторының (Tele2/Altel сауда маркасы) бірлескен жұмысының нәтижесінде "Stik Star"ЖШС бас мердігерінің қатысуымен  іске асырылды.
670-ке жуық адам тұратын ауылда бұрын тек 2G стандартындағы дауыстық байланыс қол жетімді болды, бұл халықтың цифрлық қызметтер мен заманауи интернет-ресурстарға қол жетімділігін едәуір шектеді. Жобаны іске асыру байланыс операторының қамту аймағын кеңейтуге және ауылдық елді мекендерде мобильді байланыс сапасын арттыруға бағытталған қосымша лицензиялық міндеттемелерін орындау шеңберінде мүмкін болды.
4G стандартындағы мобильді интернеттің іске қосылуы тұрғындар үшін жаңа мүмкіндіктер ашты, соның ішінде электрондық форматта мемлекеттік қызметтерді алу, онлайн-білімге, телемедицинаға, банк қызметтеріне және заманауи коммуникация құралдарына қол жеткізу.
Шығыс Қазақстан облысының цифрландыру және мұрағаттар басқармасы байланыс операторларымен тығыз өзара іс-қимыл жасай отырып, цифрлық инфрақұрылымды дамыту және қалалық және ауылдық елді мекендер арасындағы цифрлық теңсіздікті қысқарту жөніндегі жүйелі жұмысты жалғастырады.