Шығыс Қазақстан облысында телекоммуникациялық инфрақұрылымды дамыту талқыланды

Ағымдағы жылдың 4 қарашасында Шығыс Қазақстан облысының цифрландыру және мұрағаттар басқармасында "Мобайл Телеком Сервис" ЖШС (Tele2/Altel сауда маркасы) өкілдерімен кеңес өтті.

Кездесу барысында өңірдің телекоммуникациялық инфрақұрылымын дамыту, байланыс операторының лицензиялық міндеттемелерін орындау мәселелері, сондай-ақ қолданыстағы желілерді жаңғырту және ұялы байланыс пен интернетке қолжетімділік сапасын жақсарту үшін жаңа технологияларды енгізу жоспарлары қаралды.
Облыстың елді мекендерін тұрақты мобильді интернетпен қамту деңгейін арттыру және сапалы дауыстық байланысты қамтамасыз ету мәселелеріне ерекше назар аударылды.
Шығыс Қазақстан облысының цифрландыру және архивтер басқармасы өңірдің цифрлық инфрақұрылымын дамыту бойынша бірлесіп жұмыс істеу үшін әрдайым байланыс операторларымен және басқа да мүдделі тараптармен өзара іс-қимылға ашық.