ПАРА ҮСТЕЛ ТЕННИСІНЕН ҚР ЧЕМПИОНАТЫНДА ШҚО СПОРТШЫЛАРЫ 19 МЕДАЛЬ ЕНШІЛЕДІ

2026 жылғы 31 мамыр мен 5 маусым аралығында Ақтөбе қаласында пара үстел теннисінен Қазақстан Республикасының чемпионаты өтті. Ел біріншілігінде Шығыс Қазақстан облысының дене шынықтыру және спорт басқармасына қарасты «Мүгедектігі бар адамдарға арналған спорт клубы» КММ спортшылары жоғары шеберлік пен қайсарлық танытып, жүлделі орындардан көрінді. Өңір намысын қорғаған теннисшілер жалпы есепте 19 медаль (9 алтын, 3 күміс және 7 қола) жеңіп алып, айрықша нәтиже көрсетті.

Жарыс қорытындысы бойынша жеңімпаздар мен жүлдегерлердің көрсеткіштері келесідей:

• Кутявина А.В. — жекелей сында І орын, аралас жұпта І орын, әйелдер жұбында ІІ орын;

• Федоренко Е.А. — жекелей сында І орын, әйелдер жұбында ІІ орын, аралас жұпта ІІІ орын;

• Нурмагамбетов А.А. — жекелей сында І орын, аралас жұпта І орын, ерлер жұбында ІІІ орын;

• Игисинова А.Ж. — әйелдер жұбында І орын, аралас жұпта І орын;

• Ванюшкин Р.С. — ерлер жұбында І орын;

• Мазаева А.О. — әйелдер жұбында І орын, жекелей сында ІІ орын, аралас жұпта ІІІ орын;

• Павлова О.В. — әйелдер жұбында ІІІ орын;

• Эрбес В.И. — ерлер жұбында ІІІ орын, аралас жұпта ІІІ орын;

• Сахарин Р.К. — ерлер жұбында ІІІ орын.

Сонымен қатар, спорттық бәсекеде жоғары деңгейдегі техникасы мен жеңіске деген мұқалмас ерік-жігерін көрсеткен Д.Д. Түсіпхановтың ойыны ерекше атап өтіледі.

Шығыс Қазақстан облысының дене шынықтыру және спорт басқармасы барлық спортшыларды және бапкерлер құрамын республикалық чемпионаттағы айтулы триумфпен құттықтайды! Спорттық клуб тәрбиеленушілерінің бұл жетістігі — өңірдегі паралимпиадалық қозғалыстың қарқынды дамып келе жатқанының айқын дәлелі. Жерлестерімізге алдағы халықаралық ареналарда жаңа әлемдік шыңдарды бағындыруды тілейміз!