ШҚО жас биатлоншыларының жеңісі: ҚР Кубогынан Норвегияға жолдамаға дейін

2026 жылғы 14–17 ақпан аралығында Қостанай қаласында биатлоннан «Grand Tour Biathlon» Қазақстан Республикасы Кубогының II кезеңі аяқталды. ШҚО қысқы спорт түрлері бойынша облыстық мамандандырылған балалар-жасөспірімдер олимпиадалық резерв мектебінің спортшылары мергендік пен жылдамдық танытып, үздіктер қатарынан көрінді.

Жарыстың басты жаңалығы — Федор Карпачевтің айрықша жетістігі. Екі қысқы турдың қорытындысы бойынша Федор еліміздің ең үздік 4 спортшысының қатарына еніп, Норвегияда өтетін халықаралық Liatoppen Festival 🇳🇴 додасына іріктелді.

Команда қоржынындағы өзге де жүлделер:

• Алтын: Рамиль Сарсембаев (спринт), Федор Карпачев және Максим Рыльский («Достық» эстафетасы).

• Күміс: Федор Карпачев пен Виктория Романцова (спринт), Евгений Мальцев, Изабелла Селезнева және Максим Старцев (эстафета).

• Қола: Давид Сподин (спринт және жеке жарыс).

Спортшыларымызды және жаттықтырушылар құрамын лайықты нәтижелерімен құттықтаймыз!