Облыс ішінде қаладан ауылдық елді мекендерге ерікті түрде қоныс аударуды қолдаудың өңірлік жоспары

2026 жылдан бастап Шығыс Қазақстан облысы бойынша Облыс ішінде қаладан ауылдық елді мекендерге ерікті түрде қоныс аударуды қолдаудың өңірлік жоспары іске асырылады. Жоспардың мақсаты – ішкі көші-қонды ынталандыру, ауылдық аумақтарды дамыту және оларды еңбек ресурстарымен қамтамасыз ету.

Өңірлік жоспардың негізгі бағыттары:

1. Тұрғын үймен қамтамасыз ету және мемлекеттік қолдау шаралары

Жоспар аясында қоныс аударушыларға тұрғын үй мәселесін шешуге бағытталған мемлекеттік қолдау көрсетіледі:

-ауылдық жерде тұрғын үй сатып алу үшін экономикалық ұтқырлық сертификатын беру (жергілікті бюджет есебінен 1625 АЕК-ке дейін);

-көшуге байланысты біржолғы материалдық көмек төлеу (отбасы басшысына  70 АЕК).

-Қатысушылар 5 жыл мерзімге әлеуметтік келісімшарт жасасады.

2. Жұмыспен қамту және еңбек нарығына бейімдеу

Қоныс аударушыларды тұрақты жұмыспен қамтамасыз ету мақсатында:

-субсидияланатын жұмыс орындарына (қоғамдық жұмыстар, әлеуметтік жұмыс орындары, жастар практикасы және т.б.) орналастыру;

-кейіннен тұрақты жұмыс орындарына жұмысқа орналастыру;

-бос жұмыс орындары аудан мен ауылдардың нақты қажеттілігіне сәйкес ұсынылады.

3. Кәсіпкерлікті қолдау

Ауылдық жерлерде экономикалық белсенділікті арттыру үшін:

-бизнес-идеяларды іске асыруға өңірлік гранттар беру (400 АЕК-ке дейін);

- агроөнеркәсіптік кешен мен қызмет көрсету саласына беріледі;

-міндетті талаптар: жеке кәсіпкер ретінде тіркелу, «Бастау Бизнес» жобасы бойынша сертификаттың болуы, бизнес-жоспар әзірлеу.

Грант алушылар:

-3 ай ішінде қаражаттың мақсатты пайдаланылуын растауға;

-36 ай бойы есептілік тапсыруға міндетті.

4. Білікті кадрлармен қамтамасыз ету

Жоспар аясында:

-дәрігерлер, мұғалімдер, аграрлық сала және ТКШ мамандарын басым тәртіппен жұмысқа орналастыру;

-әр аудан бойынша кадр қажеттілігін талдау;

-мамандарды бекіту үшін жағдай жасау (тұрғын үй, тұрақты жұмыс, әлеуметтік кепілдіктер) көзделген.

Қатысу шарттары:

-қаладан ауылдық елді мекендеріне қоныс аудару;

-5 жыл мерзімге әлеуметтік келісімшарт жасау;

-жұмыспен қамту немесе кәсіпкерлік талаптарына сәйкес келу.