«БЖЗҚ» АҚ «Ашық есік күніне» шақырады  Тақырыбы: «Ерікті зейнетақы жарналары, шотты ашып, толықтыру – өте оңай!»

2021 жылдың 18 маусымында БЖЗҚ АҚ «Ашық есік күнін» өткізеді. 

Қазіргі уақытта бүкіл зейнетақы жүйесін дамытудың маңызды міндеттерінің бірі – болашақ зейнетақы төлемдері үшін тамаша сый болып табылатын ерікті зейнетақы жарналарын (ЕЗЖ) танымал ету.

Ағымдағы жылы заңнамада жеке және заңды тұлғалардың ерікті зейнетақы жарналарын аударуға деген ынтасын жігерлендіруге бағытталған бірқатар өзгерістер орын алды. Мысалы, 2021 жылғы 1 мамырдан бастап ЕЗЖ есепке алынатын жеке зейнетақы шотын ашу үшін БЖЗҚ-ға алғаш келіп түскен ерікті зейнетақы жарнасы негіз болып табылады. ЕЗЖ бойынша дербес шот ашудың енді қажеті жоқ.   

Бұдан басқа, ағымдағы жылдың басынан бастап жұмыс берушінің қызметкердің пайдасына төлеген ЕЗЖ сомасы қызметкердің табысына салық салу кезінде есепке алынбайды. Қор қызметкерлері ЕЗЖ-ның басқа да артықшылықтары туралы айтып береді және зейнетақы калькуляторының көмегімен ЕЗЖ бойынша тұрақты жарналар есебінен келешекте алатын зейнетақының мөлшерін қалай едәуір арттыруға болатындығын іс жүзінде көрсетеді.

Сондай-ақ, 1 мамырдан бастап БЖЗҚ-да кемінде бес жыл жатқан, ЕЗЖ бойынша зейнетақы жинақтары бар салымшылар ерікті зейнетақы төлемдеріне үміт арта алады. Осылайша, ЕЗЖ бойынша алғашқы төлемді алуды кез-келген жаста бастауға болады.

Ниет білдірушілердің әрқайсысында іс-шара тақырыбымен қатар зейнетақы жүйесі және жеке зейнетақы жинақтарына қатысты өзге де сұрақтар бойынша үйден шықпай-ақ, жауап алу мүмкіндігі болады.

Өз болашағы туралы бүгіннен ойланатын адамдардың барлығын «Ашық есік күніне» қатысуға шақырамыз!

«Ашық есік күні» онлайн-форматта 18 маусымда өтеді 12-00, 16-00. Іс-шараға қатысу үшін тіркелу қажет.

Осы шараға қатысу үшін тіркелу қажет. Әр қатысушыға кестедегі сілтемеге кіру керек. Содан соң event-жиналыс нөмірі мен паролі енгізіледі.

Event- жиналыс:	Іс-шара «Ашық есік күні» «БЖЗҚ» АҚ
Event- жиналыс адресі:	https://enpf.webex.com/enpf/onstage/g.php?MTID=ed043d3363845af64ad3ce24c710ad99c	:https://enpf.webex.com/enpf/onstage/g.php?MTID=ef0ca59050cf66d57e62b3eff295f9852
Күні мен уақыты:	18 маусым күні сағат 12.00 Ортаазиялық уақыт бойынша (Алматы, GMT+06:00)	18 маусым күні сағат 16.00 Ортаазиялық уақыт бойынша (Алматы, GMT+06:00)
Event- жиналыс нөмірі:	184 980 9388	184 315 2062
Event- жиналыс паролі:	222333	444555

«БЖЗҚ» АҚ өз салымшылары мен алушыларын, барлық ниет білдірушілерді «Ашық есік күні» ақпараттық-түсіндіру шарасында асыға күтеді!