Хабарландыру – анонс «БЖЗҚ» АҚ виртуалды «Ашық есік күніне»  шақырады

Бірыңғай жинақтаушы зейнетақы қоры 2021 жылдың 18 маусымында онлайн форматта «Ашық есік күнін» өткізеді. Басты тақырып – «Ерікті зейнетақы жарналары, шотты ашып, толықтыру – өте оңай!» деп аталады.

Биылғы жыл ерікті зейнетақы жарналарын (ЕЗЖ) дамыту мәселелері үшін оңтайлы болды. Бірқатар заңнамалық өзгерістер өздерінің болашағы туралы бүгіннен бастап ойланатын салымшылар үшін бұрынғыдан да көп артықшылықтар әкелді. Себебі, дәл осы ерікті зейнетақы жарналарының азаматтар үшін құрметті демалысқа шыққан кезде қосымша қаржылық қолдау болып табылатыны ешкімге құпия емес.

2021 жылдың 1 қаңтарынан бастап жұмыс берушінің өз қаражаты есебінен қызметкердің пайдасына төлейтін ЕЗЖ корпоративтік табыс салығын есептеу кезінде шегерімге жатқызылады. Сонымен қатар, жұмыс берушінің қызметкердің пайдасына төлеген ЕЗЖ сомасы қызметкердің табысына салық салу кезінде ескерілмейді.  

Сондай-ақ, ағымдағы жылдан бастап ЕЗЖ есебінен зейнетақы жинақтарын алушылардың тізімі кеңейді. Атап айтқанда, ЕЗЖ бойынша төлемдерді енді ерікті зейнетақы жарналары бойынша зейнетақы жинақтары БЖЗҚ-да кемінде бес жыл жатқан барлық адамдар ала алады.

Сонымен қатар БЖЗҚ қызметкерлері кездесу барысында тұрақты зейнетақы жарналарының барлық артықшылықтары туралы айтып, зейнетақы калькуляторының көмегімен ЕЗЖ бойынша тұрақты жарналар есебінен келешекте алатын зейнетақының мөлшерін қалай едәуір арттыруға болатындығын іс жүзінде көрсететін болады.

Өз болашағы туралы бүгіннен ойланатын адамдардың барлығын «Ашық есік күніне» қатысуға шақырамыз!

«Ашық есік күні» онлайн-форматта 18 маусымда өтеді 12-00, 16-00. Іс-шараға қатысу үшін тіркелу қажет.

Осы шараға қатысу үшін тіркелу қажет. Әр қатысушыға кестедегі сілтемеге кіру керек. Содан соң event-жиналыс нөмірі мен паролі енгізіледі.

Event- жиналыс:	Іс-шара «Ашық есік күні» «БЖЗҚ» АҚ
Event- жиналыс адресі:	https://enpf.webex.com/enpf/onstage/g.php?MTID=ed043d3363845af64ad3ce24c710ad99c	:https://enpf.webex.com/enpf/onstage/g.php?MTID=ef0ca59050cf66d57e62b3eff295f9852
Күні мен уақыты:	18 маусым күні сағат 12.00 Ортаазиялық уақыт бойынша (Алматы, GMT+06:00)	18 маусым күні сағат 16.00 Ортаазиялық уақыт бойынша (Алматы, GMT+06:00)
Event- жиналыс нөмірі:	184 980 9388	184 315 2062
Event- жиналыс паролі:	222333	444555