Жаңа-Жол ауылының 100 жылдығы атап өтілді

19 шілде күні Самар ауданының Жаңа-Жол ауылында дүбірлі той өтті. Ауылдың 100 жылдығына жан-жақтан қонақтар, соның ішінде ауылдың тумалары, шетелдік қонақтар, блогер, телевидение өкілдері бас қосып, жақсы бір игі істің куәсі болды. Мерейтойдың қарсаңында 1 жыл көлемінде ауылды көріктендіру саласында біршама іс-шаралар жүзеге асты. Мемлекет тарапынан клуб үйін жөндеу, көшеге шам бағандарын орнату орын алса, тұрғындар сенбіліктер өткізіп, сырлау, әктеу, қоршау жұмыстарын қолға алды. Жыл-жылдар бойынша түлектер  бірі музыкалық аппаратура, түнде жанатын клубтың атауын жазса,  бірі сахнаға киім, стол, терезеге жалюзи т.б. түрлі тартулар жасаса, жеке кәсіпкерлер ауылдың бос аумақтарына қоршау алу, клубтың маңайын көріктендіру сияқты сауапты істерде әдемі бәсекеге түсті.

Тойдың жалғасы аруақтарға құран бағыштаудан, ұлттық спорт ойындарымен көрікті бола түсті.