13 наурыздан бастап елімізде стихиялық қоқыс үйінділерін ұйымдастыру үшін салынатын айыппұлдар ұлғайтылды

13 наурыздан бастап ҚР Әкімшілік құқық бұзушылық туралы кодексіне енгізілген өзгерістер заңды күшіне енді, олар стихиялық қоқыс үйінділерін қалыптастыру үшін жауапкершілікті күшейтеді.

Облыстық табиғат қорғау прокуратурасында рұқсат етілмеген қалдықтарды жою үшін қандай айыппұлдар қарастырылғанын еске салды.
Шығыс Қазақстан облысының аумағында тұрмыстық қатты қалдықтарды рұқсат етілмеген орындарға тастау мәселесі әлі де өзекті болып отыр, – деп атап өтті ШҚО мамандандырылған табиғат қорғау прокуратурасында.

13 наурыздан бастап елімізде стихиялық қоқыс үйінділерін ұйымдастыру үшін салынатын айыппұлдар ұлғайтылды. Енді бұл құқықбұзушылық үшін мынадай айыппұлдар қарастырылған:
- жеке тұлғаларға – 100 АЕК (393 200 теңге);
- лауазымды тұлғалар мен шағын кәсіпкерлік субъектілеріне – 200 АЕК (786 400 теңге);
- орта кәсіпкерлік субъектілеріне – 500 АЕК (1 966 000 теңге);
- ірі кәсіпкерлік субъектілеріне – 1000 АЕК (3 932 000 теңге).