Михаил Колесниковқа — 95 жас: көрнекті дәрігер және ұлағатты ұстаздың мерейтойы

Қазақ КСР-інің еңбек сіңірген дәрігері, екі орденнің иегері, белгілі травматолог Михаил Иванович Колесников 95 жасқа толды. Бүгін отандық денсаулық сақтау саласының көрнекті өкілі, Шығыс Қазақстан медицинасының дамуына орасан үлес қосқан тұлға мерейтойымен құттықтады.

Михаил Иванович облыстық ауруханада 40 жылдан астам уақыт еңбек етіп, дәрігер-ординатордан бастап, ортопедия бөлімінің меңгерушісі және облыстың бас травматологына дейінгі жолдан өтті. Медицина ғылымдарының кандидаты ретінде ол өңірдегі ортопедия қызметінің негізін қалап, заманауи емдеу тәсілдерін – соның ішінде Елизаров аппаратын және омыртқаға жасалатын ота түрлерін – тәжірибеге енгізді.

Әріптестері Михаил Колесниковты тек кәсіби білікті дәрігер ғана емес, сонымен қатар үлкен әріппен жазылатын Ұстаз ретінде сипаттайды. Ол Шығыс Қазақстанда бірнеше буын травматолог мамандарын тәрбиелеп шығарған нағыз ұстаз. Михаил Ивановичтің тәжірибесінде шамамен 14 мың ота бар.

✔️Зейнетке шыққаннан кейін де ол ұзақ жылдар бойы облыстық Ана мен бала орталығында кеңесші ретінде еңбек етіп, жас мамандармен білім-тәжірибесін бөлісіп отырды. Бүгінде 95 жасқа толғанына қарамастан, Михаил Иванович белсенді өмір сүруді жалғастырып келеді — ол зор құрметке ие, оның пікірімен санасады.

Денсаулық сақтау саласына сіңірген еңбегі үшін Ленин ордені мен Еңбек Қызыл Ту орденімен, түрлі медальдармен марапатталған. «КСРО денсаулық сақтау ісінің үздігі» және «Қазақ КСР-інің еңбек сіңірген дәрігері» атақтарының иегері. Михаил Колесников — Шығыс Қазақстан облысының, Өскемен және Зайсан қалаларының Құрметті азаматы.