Өскемен жаңарып келеді: абаттандыру жұмыстары ондаған нысанды қамтиды
2025 жылы облыс орталығында қала орталығы мен шеткері аудандарды қамтитын ауқымды абаттандыру жұмыстары жоспарланған. Мақсат — тұрғындардың заманауи талаптары мен үміттеріне сай жайлы қалалық орта қалыптастыру.
Қайда және не жасалады?
- Қазақстан көшесінде абаттандыру жұмыстары жүргізілуде.
- Ертіс жағалауында көпір асты кеңістігі абаттандырылып, демалыс аймақтары мен серуендеу бағыттары жасалады.
- Филармония жанындағы скверде бұзу жұмыстары аяқталып, абаттандыруға негіз дайындалды.
- Шешек тауы маңында рекреациялық аймақ құру жоспарланған, бұл жерде де жұмыстар басталды.
- Победа даңғылы мен Сәтпаев көшесінде ғимараттардың қасбеттеріне көркем және декоративті жарықтандыру орнатылады.
Аула мен алаңдар — ерекше назарда
Биыл қалада 16 аула аумағын кешенді абаттандыру жоспарланған. Сонымен қатар 15 балалар ойын алаңы мен 9 спорттық алаңша орнатылады. Олар белсенді демалыс пен таза ауада жаттығуға арналған.
Жаңа қоғамдық кеңістіктерге ұсыныстар
Қалада жаңа демалыс аймақтарын абаттандыру ұсынылуда.
Атап айтқанда:
- Лихарев көшесіндегі саябақ
- Защита шағын ауданындағы, теміржол вокзалы маңындағы саябақ
- Д. Серікбаев атындағы ШҚТУ жанындағы саябақ
- Меновное кентіндегі саябақ
- Күленовка кентіндегі саябақ