ШҚО-да қамқорсыз қалған балаларды қолдаудың шаралары жалғасуда.

ШҚО-да қамқорсыз қалған балаларды қолдаудың шаралары жалғасуда

ШҚО-да жетім балалар мен ата-ананың қамқорлығынсыз қалған балаларды қолдауға бағытталған жаңа бастамалар белсенді түрде енгізілуде. Мемлекеттік саясаттың басты міндеттерінің бірі – осы балалардың өмір сүру сапасын жақсарту, оларды әлеуметтік ортаға бейімдеу және дербес өмірге дайындау болып табылады. Бұл туралы ШҚО Білім басқармасының басшысы Иннеса Чернышева Өңірлік коммуникациялар қызметі өткізген брифингте мәлімдеді.

2024 жылы маңызды қадамдардың бірі – қамқоршылық және қорғаншылық органдарының қызметкерлер құрамын 11 адамға ұлғайту болды. Бұл шара жұмыстың тиімділігін арттырып, көрсетілетін қызметтердің сапасын жақсартуға және балалардың құқықтарын қорғау мәселелерін жедел шешуге мүмкіндік берді. 2025 жылдың алғашқы айларында 23 бала есепке алынса, 2024 жылы 137 бала тіркеуге алынған.

Бұдан бөлек, балаларды тұрғын үймен қамтамасыз етуге ерекше назар аударылып отыр. 2024 жылы өңірде 523 тұрғын үй берілді, оның ішінде жетім балаларға арналған 82 пәтер бар, бұл оларға мемлекеттік мекемелерден шыққаннан кейін дербес өмір сүру мүмкіндігін береді.

«Мейірім» акциясы аясында қазіргі таңда 342 тәрбиеленуші патронаттық кәсіпорындармен байланыстырылып, олардың есепшоттарына 50 миллион теңге аударылды. Бұл акция балаларға ересек өмірге бейімделуге, тәрбиеленушілермен кездесулер өткізуге, кәсіпорындарды аралауға және мамандықтармен танысуға көмектеседі.

Тағы бір маңызды бастама – «Тәлімгерлік» жобасы, ол ата-ананың қамқорлығынсыз қалған балаларға қоғамда өмір сүруге бейімделуге көмек көрсетеді. Қазіргі таңда 50 тәрбиеленуші тәлімгерлікпен байланыстырылып, олар тәрбиеленушілерге қоғамда өмір сүруге бейімделуге көмектесіп қана қоймай, өз әлеуеттерін ашуға және тәуелсіз өмірге дайындалуға да көмектеседі.

Сонымен қатар, 2023-2024 жылдары екі жасөспірімдерді бейімдеу орталығының заңнамалық талаптарға сәйкестендірілуі бойынша жұмыстар жүргізілді. 2025 жылы тағы бір жасөспірімдерді бейімдеу орталығының сметалық құжаттамасын әзірлеу және нормативтік талаптарға сәйкестендіру жұмыстары жалғасуда.