Тұрғын үй сертификаттарды ұсыну үшін құжаттарды абылдау хабарландырылады

Өскемен қаласының әкімдігі Өскемен қаласындағы тұрғын үйге мұқтаж азаматтарға тұрғын үй сертификаттарын беруге құжаттарды қабылдау туралы хабарлайды.

2023 жылға әлеуметтік көмек түрінде (қайтарымсыз және тегін) тұрғын үй сертификаттарын ұсыну қарастырылған.

Тұрғын үй сертификаты әлеуметтік көмек ретінде отбасының әрбір мүшесіне ағымдағы қаржы жылына заңнамада белгіленген айына ең төменгі күнкөріс деңгейінің 3,1 көрсеткішінен аспайтын соңғы 6 (алты) ай орташа табысы болған жағдайда (2023 жылға – 125 757 теңге) беріледі.

Тұрғын үй сертификатын алу үшін келесі құжаттар қажет:

нысан бойынша өтініш;

өтініш берушінің және отбасы мүшелерінің (зайыбының (жұбайының), кәмелетке толмаған балаларының) жеке басын куәландыратын құжат (түпнұсқасы тұлғаны сәйкестендіру үшін беріледі);

соңғы 6 (алты) ай ішіндегі еңбек және (немесе) кәсіпкерлік қызметтен табысы туралы анықтама (барлық отбасы мүшелеріне (зайыбына (жұбайына), кәмелетке толмаған балаларына);

қарыз сомасы, бастапқы жарнаның мөлшері және ипотекалық тұрғын үй қарызы бойынша ай сайынғы төлемнің сомасы туралы мәліметтерді қамтитын, өтініш берушіге бастапқы тұрғын үй сатып алу үшін ипотекалық тұрғын үй қарызын беруді мақұлдау туралы «Отбасы банк» АҚ-ның хатын қоса бере отырып жүгінуі тиіс.

Құжаттар Өскемен қаласы, Шәкәрім даңғылы, 149/10, 23,24 кабинет (2-қабат) мекенжайы бойынша орналасқан тұрғын үй сертификаттарын беру бағдарламасы әкімшісінің-«Өскемен қаласының жұмыспен қамту және әлеуметтік бағдарламалар бөлімі» ММ кеңсесіне тапсырылады.