ШҚО-да су тасқынына дайындық басталды
Көктемде елді мекендерді су басудың негізгі себебі егістіктерден еріген және жаңбыр суларының күрт келуі болып табылады. Бұл ретте су тасқынына қарсы іс-шараларды уақтылы жүргізу есебінен ғана ТЖ туындау тәуекелін төмендетуге болады.
Су тасқынына уақытылы дайындықты қамтамасыз ету үшін қазірдің өзінде Шығыс Қазақстанда алдын алу іс-шаралары басталды. Олардың ішінде Жол картасының тармақтарын орындау ерекше орын алады. Өткен жылы алдағы үш жылға жоспарланған 21 іс-шараның 7-і толық көлемде орындалды. Қазіргі уақытта 9 облыс Катонқарағай, Тарбағатай және Алтай аудандарында жүзеге асырылуда.
Сонымен қатар, жергілікті атқарушы органдар қосымша алдын алу іс-шараларын орындауда. Осылайша, бүгінгі күні Өскемен қаласында Ахмер ауылы Сейфуллин көшесінде бетон лотоктарын төсеу арқылы арық жүйесін жайластыру және Шмелев Лог кентінде ұзындығы 600 метр бетон лотоктарын ішінара төсеу арқылы арық жүйесін қайта жаңарту, Риддер қаласында-Чесноковка өзеніндегі түбін тереңдету және жағалауды нығайту жұмыстары, Тишинская, Семей көшелері және "Ботаника"тұрғын ауданындағы арықтарды тереңдету және тазарту жұмыстары жүргізілді.
ШҚО Төтенше жағдайлар департаменті тұрақты мониторинг жүргізеді. ТЖ қызметінің мамандары ЖАО өкілдерімен, баланс ұстаушылармен бірлесіп су тасқыны қаупі бар учаскелерге бірнеше рет тексеру жүргізді.
"Жалпы облыс бойынша алдын алу іс-шараларының кешені әлеуетті қауіпті учаскелердің қорғалу деңгейін арттыруға мүмкіндік берді, бұл ретте қауіп жойылған елді мекендердің саны 15-ке жетті және 44-ке азайтылды. Өңірде су тасқынының жағымсыз салдарларына ұшыраған 71 елді мекен бар", - деп атап өтті ШҚО ТЖД ТЖ алдын алу басқармасының бастығы Ерлан Балтабаев.
Сонымен қатар, ШҚО ТЖД жеке сектор тұрғындарына қыс мезгілі басталғанға дейін жеке аумақтарда, сондай-ақ үйлерге іргелес учаскелерде орналасқан арықтарды тазалау және қарау, арық желілері арқылы еріген судың кедергісіз өтуін ұйымдастыру қажет екенін еске салады. Олардың қоқыспен бітелуіне жол бермеңіз.
ШҚО ТЖД баспасөз қызметі