Өскемен қаласының мониторингтік топтары белгіленген шектеулерді сақтау тұрғысынан (қоғамдық көлікте, дүкендерде, дәріханаларда, көңіл көтеру орындарында және т.б.) күнделікті рейдтік іс-шараларды жалғастыруда.
14 сәуір мониторингтік іс-шаралар барысында 319 объект қамтылды, облыстың бас санитарлық дәрігері белгілеген шектеу режимінің бұзылуының 21 фактісі тіркелді.
Сонымен қатар, бұрын анықталған бұзушылықтар бойынша айыппұл салынды, азық-түлік емес және азық-түлік дүкендерінде сатушылар медициналық маскасыз болды. Жоғарыда көрсетілген бұзушылыққа салынған айыппұлдың жалпы сомасы 218 775 теңгені құрайды.
Барлық шағын және орта бизнес өкілдерін, сондай-ақ қала тұрғындарын ШҚО бас санитарлық дәрігерінің қаулысымен белгіленген санитарлық нормаларды сақтауға шақырамыз.