Өскемен қаласының әкімдігі арналған қоғамдық медиаторларды сайлауды жариялайды

Өскемен қаласының әкімдігі арналған қоғамдық медиаторларды сайлауды жариялайды.

Қоғамдық медиаторды сайлауға қатысуға ниет білдірген үміткерлер «Медиация туралы» Қазақстан Республикасы Заңының 9-бабының талаптарына сәйкес келуге тиіс.

9-бап. Медиаторларға қойылатын талаптар

1. Тәуелсіз, бейтарап, істің нәтижесіне мүдделі емес, медиация тараптарының өзара келісімі бойынша таңдалған, медиаторлар тізіліміне қосылған және медиатордың функцияларын орындауға келісім берген жеке тұлға медиатор бола алады.
2. Медиатордың қызметі кәсіби негізде (кәсіпқой медиатор) де және қоғамдық негізде (қоғамдық медиатор) де жүзеге асырылуы мүмкін.
3. Мыналар:

1) қырық жасқа толған және қоғамдық медиаторлар тізілімінде тұрған адамдар;

2) Қазақстан Республикасының Азаматтық процестік кодексіне және Қазақстан Республикасының Әкімшілік рәсімдік-процестік кодексіне сәйкес сотта татуластыру рәсімдерін жүргізу кезінде судьялар медиатор қызметін қоғамдық негізде жүзеге асыра алады.

5. Медиатордың қызметі кәсіпкерлік қызмет болып табылмайды.
6. Мыналар:

1) мемлекеттік функцияларды орындауға уәкілетті және оған теңестірілген;

2) заңда белгіленген тәртіппен сот әрекетке қабілетсіз немесе әрекет қабілеті шектеулі деп таныған;

3) оған қатысты қылмыстық қудалау жүзеге асырылатын;

4) заңда белгіленген тәртіппен өтелмеген немесе алынбаған соттылығы бар адам медиатор бола алмайды.

8. Медиация тараптарының келісімімен медиаторға қойылатын қосымша талаптар белгіленуі мүмкін.

Құжаттарды қабылдау мерзімі 2026 жылғы 27 тамыздан бастап 10 қыркүйекке дейін қоса алғанда.

Қоғамдық медиатор болып сайлануға арналған құжаттар Өскемен қаласы, Пермитина көшесі, 17, 310 кабинет мекенжайында орналасқан «Өскемен қаласы әкімінің аппараты» ММ-ге келесі тәсілдердің бірімен:

1) пошта арқылы хабарламасы бар тапсырыс хатпен және (немесе) қолма-қол қағаз немесе электрондық тасығыштарда;

2) «Электрондық өтініштер» ақпараттық-талдамалық жүйесі бойынша электрондық цифрлық қолтаңба арқылы куәландырылған электрондық құжат нысанында;

3) g.ahmetova@akimvko.gov.kz электрондық мекенжайына жіберіледі.

 

Құжаттар тізбесі:

1) Қазақстан Республикасы ақпарат және қоғамдық даму Министрінің 2022 жылғы 3 мамырдағы № 134 бұйрықпен бекітілген «Қоғамдық медиаторды сайлау қағидалары» қосымшаға сәйкес нысан бойынша өтініш;

2) Қазақстан Республикасы азаматының жеке куәлігінің көшірмесі;

3) заңдық мекен-жайы туралы мәлімет;

4) байланыс деректері (пошта мекен-жайы немесе электрондық поштаның мекен-жайы не телефон немесе телефакс нөмірі);

5) медиатордың маманданып жүрген медиация саласы туралы мәліметтер;

6) медиатордың медиацияны жүзеге асыратын тілі туралы мәліметтер;

7) үміткерге тұрғылықты жері бойынша наркологиялық көмек көрсететін медициналық ұйымдардан және психоневрологиялық ұйымнан берілген медициналық анықтамалар;

8) соттылығының жоқтығы туралы анықтама.