Өскемен қаласы күніне орай өткізілетін «Өскеменге махаббатпен» атты үздік бейнеролик байқауының ережесі

1. Жалпы ережелер

Осы ереже 2025 жылғы 30 тамыз – Өскемен қаласының күніне орай ұйымдастырылатын «Өскеменге махаббатпен» атты бейнероликтер байқауын (бұдан әрі – Байқау) өткізудің мақсаттарын, шарттарын және тәртібін айқындайды.

Өскемен қаласының туған күніне орай видеографтар, мобилографтар және дрон-операторлар арасында шығармашылық бейнебайқау жарияланады. Қатысушылар Өскемен қаласына деген сүйіспеншілікті, қаламыздың сұлулығын және ерекше атмосферасын бейнелейтін қысқаметражды видеоролик түсіруі тиіс.

Байқаудың ұйымдастырушысы – «Өскемен қаласының ішкі саясат бөлімі» мемлекеттік мекемесі.

2. Байқаудың мақсаты мен міндеттері:

• Қала тұрғындарының шығармашылық белсенділігін арттыру;
• Өскемен қаласына деген сүйіспеншілікті насихаттау;
• Қаланың көрікті жерлерін, тарихын, мәдениетін бейнероликтер арқылы таныту;
• Қоғамдық санада оң бейне қалыптастыру.

3. Байқауға қатысу шарттары:

• Байқауға кез келген ниет білдіруші азамат қатыса алады (жасы, кәсібі шектелмейді);
• Бейнероликтер «9:16» форматында және 4K сапада түсірілуі тиіс;
• Роликтің ұзақтығы 1 минут 30 секундтан аспауы қажет;
• Бейнероликтің тақырыбы: «Өскеменге махаббатпен»;
• Ролик мазмұны қала өміріне, табиғатына, тарихына, дамуына арналуы тиіс;
• Видеороликке әзілге толы сәттер, қызықты оқиғалар мен күлкілі ситуациялар қосу қошеметпен қарсы алынады.
• Конкурсқа қатысушы міндетті түрде @akimatoskemen және @oskemen_sayasat instagram парақшаларына жазылған болуы тиіс.
• Қабылдаудан өткен бейнеролик 26 тамыз күні бейнероликтің авторы өзінің жеке парақшасында @akimatoskemen парақшасын соавтор ретінде белгілеп, #СенКөрмегенӨскемен және #УстьКаменогорскДругимиГлазами хэштегтерімен жүктеуі қажет.
• Плагиатқа жол берілмейді. Тек авторлық жұмыстар қабылданады.

4. Жұмыстарды қабылдау тәртібі:

• Бейнероликтер 2025 жылғы 15 тамыз бен 25 тамыз аралығында қабылданады;
• Қатысушылар anuar.qairatuly@bk.ru электрондық поштасына арнайы өтініммен бірге бейнематериалды жіберуі қажет (өтінім үлгісі төменде көрсетілген);
• Бір қатысушы бір ғана бейнеролик ұсына алады.
• Тексерістен өтіп, қабылданған бейнероликтердің авторларына «Қабылданды» деген хабарлама жолданатын болады.

5. Байқау жеңімпаздарын марапаттау:

• Байқау жеңімпаздары 30 тамыз қала күніне орай ресми түрде анықталып, марапатталады.
• Ең көп лүпіл жинаған бейнеролик жеңімпаз деп танылады.
• Жалған белсенділік\лүпілдер жинауға және басқа парақшалармен соавторлыққа салуға жол берілмейді.

Ең үздік видео гала-концерт сахнасында көрсетіледі.

Жүлде қоры:

І орын – 300 000 теңге

ІІ орын – 200 000 теңге

ІІІ орын – 100 000 теңге

6. Қосымша шарттар:

• Үздік деп танылған бейнероликтер Өскемен қаласы әкімдігінің және ішкі саясат бөлімінің әлеуметтік желідегі ресми парақшаларында жарияланады;
• Ұйымдастырушы байқауға ұсынылған жұмыстарды әлеуметтік мақсаттарда пайдалану құқығын өзінде қалдырады.

7. Өтінім үлгісі:
(өтінім мәтіні электрондық хатта көрсетілуі тиіс)
Т.А.Ә:
Туған жылы:
Байланыс телефоны:
Электрондық пошта:
Бейнероликтің қысқаша сипаттамасы:
Авторлық құқыққа қатысты растау: Мен ұсынып отырған бейнероликтің авторымын және үшінші тараптардың авторлық құқықтарын бұзбайтынымды растаймын.