Марқакөл ауданында ауылдық округ әкімдерінің есеп беру кездесулері өтті

Марқакөл ауданында ауылдық округ әкімдерінің халық алдында есеп беру кездесулері ұйымдастырылды. Кездесулер барысында әкімдер 2025 жылы атқарылған жұмыстардың қорытындылары мен алдағы кезеңге жоспарланған міндеттер туралы баяндады.

Есеп беру жиындарында әлеуметтік-экономикалық даму, инфрақұрылымды жақсарту, жол, ауыз су, жарықтандыру, абаттандыру және тұрғындардың өмір сапасын арттыруға бағытталған жобалар кеңінен сөз болды.

Сондай-ақ тұрғындар тарапынан көтерілген өзекті мәселелер мен ұсыныстар назарға алынып, оларды шешу жолдары талқыланды. Кездесулер ашық форматта өтіп, халық пен жергілікті атқарушы органдар арасындағы кері байланыс нығая түсті.