27 тамызда Қызылорда қаласында әлеуметтік салаға бөлінетін бюджет қаражатын тиімді пайдалану мәселесіне арналған республикалық семинар-кеңес өтті.

ҚР Премьер-Министрінің орынбасары Е.Б. Көшербаевтың төрағалығымен өткен жиында бюджет қаржысын оңтайландыру мен жаңа оқу жылына дайындық барысы талқыланды.

Іс-шараға ҚР Еңбек және халықты әлеуметтік қорғау министрі Светлана Қабыкенқызы Жақыпова, Қызылорда облысының әкімі Нұрлыбек Машбекұлы Нәлібаев, орталық мемлекеттік органдардың өкілдері мен аймақ басшылары қатысты.Марқакөл ауданының әкімі Кемешев Рүстембек Набиолдаұлы да семинарға қатысып, өңірдің әлеуметтік-экономикалық дамуы бағытындағы тәжірибемен бөлісті.

Жиында білім, денсаулық сақтау, мәдениет, спорт  және тұрғын үй-коммуналдық шаруашылық салаларына бөлінетін қаржының тиімділігі жан-жақты қаралды.

Семинар қорытындысында әлеуметтік саясатты жетілдіру және халыққа қолжетімді қызмет сапасын арттыру бойынша бірқатар нақты тапсырмалар берілді.