Жылумен жабдықтау бойынша жобаларды іске асыру: «Риддер ЖЭО» АҚ-дан ШҚО Риддер қаласының перспективалы құрылыс аудандарына дейін жер үсті құбырын салу»

Риддер қаласында Риддер ЖЭО-ны қала құрылысының перспективалы аудандарымен байланыстыратын жер үсті құбырының құрылысы бойынша ауқымды жоба аяқталды. 2022-2023 жылдар аралығында жүзеге асырылған бұл жоба 2023 жылдың 7 тамызында пайдалануға берілді.

         Жобаның жалпы құны 3 347,4 млн. теңгені құрайды, құрылысты «Терезе» ЖШС мердігерлік ұйымы орындады. Жобаның басты мақсаты – екі құбырлы орындауда жалпы ұзындығы 4,087 км жылу желілерін құру. Бұл желілер тұрғын үй, қоғамдық, өндірістік және басқа ғимараттарды жылу энергиясымен қамтамасыз етуге арналған.

Жоба қала үшін стратегиялық маңызға ие, өйткені ол 3 және 4 шағын аудандар үшін оңтайлы жылумен қамтамасыз етуге бағытталған және қаланың 5, 6 және 7 шағын аудандарында салынып жатқан объектілердің жылу желілеріне қосылуын қамтамасыз етеді.

Диаметрі 426 х 7,0 мм Жаңа екі құбырлы жылу желілерімен қаланың перспективалы аудандары тұрақты және тиімді жылумен қамтамасыз етіледі, бұл жергілікті тұрғындардың өмір сүру сапасын арттырып қана қоймай, инфрақұрылымды одан әрі дамытуға және жаңа объектілердің құрылысына ықпал етеді.