Катонқарағай ауылындағы дене шынықтыру-сауықтыру кешенінің аумағын абаттандыру жұмыстары жалғасуда. Қазіргі уақытта бордюрлерді орнату жұмыстарының 90 пайызы аяқталып, алаңға плиткалар төсеу жұмыстары жүріп жатыр.Ғимараттың айналасында қорғаушы отмостка толық жасалып бітті. Мини-футбол алаңына арналған арнайы еден жабынына тапсырыс берілді. Кешен аумағында көше жарығын жаңарту жұмыстары да қолға алынды. Тіректерді орнатуға қажетті материалдар мен кабель өнімдері дайын, шамдарға тапсырыс жасалды. Жұмыстар белгіленген кестеге сай жүргізілуде.