Бүгін Астанада ауыл әкімдерінің диалог платформасы өтті

Оған біздің ауданның ауылдық округ әкімдері де қатысты. Іс-шараның мақсаты — ауылдарды дамытуға қатысты өзекті мәселелерді талқылау, тәжірибе алмасу және жергілікті жерде өмір сүру сапасын арттыруға бағытталған тиімді шешімдер әзірлеу.

Мемлекет басшысы Қасым-Жомарт Тоқаев форумда мазмұнды баяндама жасап, ауылдық аумақтарды дамыту, ауыл әкімдері институтын одан әрі жетілдіру бойынша басым міндеттерді айқындап, елдің саяси және әлеуметтік-экономикалық дамуына қатысты маңызды мәселелерді көтерді.

Осындай форматтағы диалогқа қатысу мемлекеттік органдар мен жергілікті атқарушы билік арасындағы өзара іс-қимылды нығайтып, ауылдық аумақтардың тұрақты дамуына бағытталған бастамаларды жүйелі түрде ілгерілетуге мүмкіндік береді.