МСҚБ мамандарының тексеру жүргізу үшін шығуы қалай жүзеге асырылады

Қазақстан Республикасының «Сәулет, қала құрылысы және құрылыс қызметі туралы» заңына сәйкес мемлекеттік сәулет-құрылыс бақылау және қадағалау органдарының мамандары тексеру нысанына міндетті түрде бару арқылы тексеру жүргізеді.

 

Тексеру Қазақстан Республикасының Кәсіпкерлік кодексіне сәйкес жүзеге асырылады. Жоспардан тыс тексерудің негіздері мыналар болуы мүмкін:

•жеке және заңды тұлғалардың өтініштері,

•мемлекеттік органдардың өтініштері,

•прокурордың талабы.

 

Тексеруді тағайындау туралы акт міндетті түрде құқықтық статистика және арнайы есепке алу жөніндегі органдарда тіркелуі тиіс.

 

Егер сіз мемлекеттік сәулет-құрылыс бақылау органдарына жоспардан тыс тексеру жүргізу туралы өтініш беруді жоспарласаңыз, Қазақстан Республикасының заңнамасын бұзу фактілері бойынша фото және видео материалдар түрінде нақты дәлелдер мен негіздемелерді ұсынуыңыз қажет.