Есептеу құралдарын орнату мәселелері талқыланды

Үйге ортақ есептеу құралдары тұтынушыларға нақты тұтынылған ресурстар үшін ғана ақы төлеуге мүмкіндік береді.  Айта кету керек, жылуды есептеу құралы тұрғындарға тұтынылатын жылу шығындарының 36% - на дейін үнемдеуге мүмкіндік береді. Алайда, барлық тұрғындар  ЖЕҚ орнату идеясын қолдамайды. Бұл жағдайда не істеу керек?

2021 жылғы 12 наурызда Шығыс Қазақстан облысының энергетика және ТКШ басқармасы «Қазақстандық тұрғын үй-коммуналдық шаруашылықты жаңғырту және дамыту орталығы» АҚ басқарма төрағасының орынбасары Р.М. Куловтың қатысуымен өңірдің көппәтерлі тұрғын үйлерінің жылу және суды есептейтін жалпыүйлік аспаптармен жабдықтау мәселелері бойынша кеңес ұйымдастырды. Кеңеске, сондай- ақ, жылу және сумен жабдықтау саласындағы табиғи монополиялар субъектілерінің өкілдері қатысты.

Кеңеске қатысушылар ағымдағы проблемалық мәселелерді, оларды шешудің ықтимал жолдарын, сондай-ақ Шығыс Қазақстан облысы бойынша жалпыүйлік жылу және су есептегіш құралдарымен жабдықтау деңгейінің жоспарлы көрсеткіштеріне қол жеткізуге бағытталған әрі қарайғы іс-шараларды талқылады.

Р.М. Құлов қаржылық лизинг және мақсатты несиелендіру аясындағы қаржыландыру тәртібін түсіндіріп, есептеу құралдарын орнатуды қаржыландыру тетіктерін ұсынды.