Үздік ұжымдық шарт «Озеленитель» ЖШС
Мемлекеттік еңбек инспекциясы басқармасы ҚР Еңбек кодексінің 156-бабының 11-тармағына сәйкес тараптар қол қойған ұжымдық шарттарға мониторинг жүргізеді.
Мониторинг барысында қызметкерлердің мүдделері мен құқықтарын қорғауға, оңтайлы еңбек, тұрмыс және демалыс жағдайларын жасауға бағытталған екпінді тармақтары бар ұжымдық шарттар белгіленеді.
Орта кәсіпкерлік арасында 2022-2024 жылдарға жасалған «Озеленитель» ЖШС ұжымдық шартында тараптардың ұйымдағы қатынастарының жалпы принциптерін көрсететін Тараптардың құқықтары мен міндеттері жазылған. Сондай-ақ, жұмыс беруші кәсіпорын қызметкерлеріне әлеуметтік жеңілдіктер мен кепілдіктерге кепілдік береді.
Жұмыс беруші жыл сайын қызмет етуші заңнамаға сәйкес, төменгі жалақының өсуі мен инфляция пайызының өсуі есебімен бірінші тоқсаннан кешіктірмей еңбекақыны индекстеуді жүзеге асыруға міндеттеме алады.
Әкімдік, кәсіподақтар және жұмыс берушілер арасындағы 2021-2023 жылдарға арналған облыстық келісімді ескере отырып, «Семей ядролық сынақ полигонында ядролық сынақтардың салдарынан зардап шеккен азаматтарды әлеуметтік қорғау туралы» Республика Заңына сәйкес, еңбек қызметін жүзеге асыратын және радиациялық тәуекел аймақтарында тұратын барлық қызметкерлерге «зардап шеккен адамның куәлігінің» болуына қарамастан қосымша еңбекақы және жыл сайынғы қосымша ақылы демалыс беріледі.
Түнгі уақытта, мереке және демалыс күндері жұмыс үшін екі есе мөлшерде ақы төленеді.
2022 жылы еңбекті қорғау жөніндегі іс – шараларға 850,0 мың теңге, 2023 жылы – 875,0 мың теңге, 2024 жылы-900,0 мың теңге сомасында қаржы қаражаты бөлінеді. кәсіпорынның әрбір учаскесін медициналық дәрі қобдишаларымен қамтамасыз етуге міндеттенеді.
Қызметкерлерді, қызметкердің жақын туыстарын (әкесі, анасы, жұбайы, балалары) жерлеуді ұйымдастыру үшін кәсіпорын есебінен жерлеуге және салттық қызметтерге материалдық көмек көрсету ретінде 20 АЕК мөлшерінде біржолғы төлем беріледі.
Кәсіпорын қызметкерлеріне басшының қалауы бойынша материалдық көмек төленеді: күнтізбелік жылдың басынан бастап кемінде 8 ай ішінде толық жұмыс істеген жағдайда, 1 (бір) айлық жалақыға дейін емделуге; жаңа оқу жылының басында мектеп жасындағы әр балаға 10 АЕК дейінгі балалары бар қызметкерлерге; мерейтойға (50, 55, 60,65,70,75 жас) 120 АЕК дейін.
«Озеленитель» ЖШС ұжымына тұрақтылық, табыс, өркендеу және амандық тілейміз.