2022 жылғы 26 тамызда "ШҚО кәсіподақ орталығы" ТОП төрағасы Т.Қасымжановтың төрағалығымен он-лайн режимде кәсіподақтар мен жұмыс берушілердің қатысуымен әлеуметтік әріптестік жөніндегі облыстық үшжақты комиссияның отырысы өтті.

Мемлекеттік еңбек инспекциясы басқармасы басшысының жалақы бойынша берешекті төлеу, кәсіпорындарда әлеуметтік аударымдар бойынша берешекті азайту, зиянды өтеу, қауіпсіз еңбек жағдайларын қамтамасыз ету, қызметкерлерді жазатайым оқиғалардан сақтандыру бойынша жүргізіліп жатқан жұмыстар туралы, сондай-ақ зиянды еңбек жағдайларында қызметкерлердің санын анықтау мәселелері, электрондық еңбек шарттарын енгізу бойынша 2-жартыжылдыққа арналған жоспардың орындалу барысы туралы ақпараттары тыңдалып, талқыланды.

Отырыс қорытындысы бойынша қалалар мен аудандардың әкімдеріне, мемлекеттік органдарға тапсырмаларды орындау және әлеуметтік және еңбек жанжалдарын болдырмау бойынша тиісті шаралар қабылдау туралы тапсырмалар берілді.