ЕҢБЕК ЗАҢНАМАСЫ ЖӘНЕ ҚЫЗМЕТКЕР ҚҰҚЫҚТАРЫ: МУЗЕЙ-ҚОРЫҚ ҰЖЫМЫМЕН КЕЗДЕСУ ӨТТІ

Мемлекеттік еңбек инспекциясы комитетінің Шығыс Қазақстан облысы бойынша департаментінің мемлекеттік еңбек инспекторы О.Т. Сағадиев «Шығыс Қазақстан облыстық сәулет-этнографиялық және табиғи-ландшафтық музей-қорығы» КМҚК ұжымымен кездесу өткізді.

Кездесу барысында қызметкерлерге жалақыны уақытылы төлеу, еңбек құқықтарының сақталуы, Еңбек шарттарын есепке алудың бірыңғай жүйесіне (ЕШЕБЖ) мәліметтерді енгізу, сондай-ақ Қазақстан Республикасы еңбек заңнамасының нормаларын қолдану мәселелері жөнінде түсіндіру жұмыстары жүргізілді.

Сонымен қатар еңбек қатынастары саласындағы өзекті мәселелер талқыланып, қатысушылар тарапынан қойылған сұрақтарға жауаптар берілді.