«Дипломмен ауылға!» жобасы бойынша ақпарат

2009 жылдан бастап республика бойынша «Дипломмен ауылға!» міндеті денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы дипломды мамандарға, ауылдық елді мекендерге жұмыс істеу және тұру үшін келген ауылдар, кенттер, ауылдық округтер әкімдері аппараттарының мемлекеттік қызметшілеріне әлеуметтік қолдау шараларын ұсыну болып табылады (Қазақстан Республикасы Ұлттық экономика министрінің 2014 жылғы 6 қарашадағы № 72 бұйрығы) түрінде:

- 100 айлық есептік көрсеткіштің еселенген мөлшерінде көтерме жәрдемақы (2025 жылға 393 200 теңге);

– тұрғын үй сатып алу немесе салу үшін бюджеттік кредит беру - жылдық сыйақы 1% мөлшерлемесі бойынша 15 жылға дейінгі мерзімге 2000-2500 АЕК (2025 жылға ауылда 7 864 000 теңге, аудан орталығында 9 830 000 теңге).

Бюджеттік кредит алушылар үшін негізгі шарт ауылдық елді мекенде орналасқан ұйымда кемінде 3 жыл жұмыс істеу міндеттемелерін өзіне қабылдау.

Қолдау шараларын алу үшін портал арқылы «Отбасы банк» АҚ-ға электрондық форматта өтініш беру қажет (https://otbasybank.kz/), оған құжаттар (жеке куәлік, білімі туралы диплом, еңбек кітапшасы) қоса беріледі.

Құжаттар тізбесі және әлеуметтік қолдау шараларын алу шарттары туралы толығырақ ақпарат алу үшін қалалық және аудандық экономика және қаржы бөлімдеріне жүгіне аласыз.