БОБРОВКА АУЫЛЫНЫҢ ТҰРҒЫНДАРЫ ҮШІН ЖАҢА АМБУЛАТОРИЯ ЕСІГІН АШТЫ

Глубокое ауданының Бобровка ауылында отбасылық-дәрігерлік амбулаторияның жаңа ғимаратының салтанатты ашылуы өтті.

Нысан «Ауылдық денсаулық сақтауды модернизациялау» Ұлттық жобасы аясында салынып, ауылдық жерлердегі бастапқы медициналық-санитариялық көмекті одан әрі нығайтуға мүмкіндік береді.

Жаңа амбулаторияда пациенттер үшін заманауи әрі қолайлы жағдайлар жасалған: кең қабылдау және процедура бөлмелері, инсульттан кейінгі пациенттерді оңалтуға арналған емдік дене шынықтыру (ЛФК) кабинеті, сондай-ақ төрт төсек-орындық күндізгі стационар қарастырылған. Мекеме жаңа медициналық жабдықтармен және құрал-жабдықтармен толық қамтамасыз етілген. Мүмкіндігі шектеулі адамдар үшін де қолайлы жағдайлар жасалған.

Амбулаторияның ашылу салтанатына аудан әкімінің орынбасары Елена Литвиненко, Орталық аудандық аурухананың бас дәрігері Мирхат Увазыров, ауыл тұрғындары мен құрметті қонақтар қатысты. Шара барысында құрылысшыларға, медицина қызметкерлеріне және жобаны жүзеге асыруға атсалысқан барлық азаматтарға алғыс сөздері айтылды.

— Бүгін біз үшін шынымен де маңызды күн. Біз тек жаңа ғимарат қана емес, ертеңгі күнге деген сенім мен жанымызға жақын денсаулық сақтауды алдық, — деп бөлісті ауыл тұрғындары.

Амбулаторияда жалпы практика дәрігері, үш медбике және акушер қызмет атқарады. Жаңа мекеме Бобровка ауылының екі мыңнан астам тұрғынына медициналық қызмет көрсететін болады.