21 сәуір күні Дүниежүзілік кітап және авторлық құқық күні қарсаңында А.С. Пушкин атындағы Шығыс Қазақстан облыстық кітапханасында «Баспасөз салоны» (фр. Salon – қонақ жай, іс-шара мәнмәтінінде – көрмелер мен тауарлар және т. б. көрсетіліміне арналған кеңістік) келушілерді құшақ жая қарсы алды.
Салонға қатысушылар – өңірлік авторлар, баспалар мен кітап сату ұйымдарына өздерін, топтамаларындағы жаңалықтарын паш етіп, пайдалы іскерлік таныстық орнатып, өз өнімдері мен технологияларына назар аудартуға ерекше мүмкіндік жасалды.
Салон аясында кітапханада «Медиа-Альянс», «Восток-Печать», «Шығыс ақпарат» баспалары; ҚАЕУ, Д. Серікбаев атындағы ШҚТУ, С. Аманжолов атындағы ШҚУ университеттік баспалары және т. б.; «Қасым Қайсенов», «Бестселлер», «VITA», «MARWIN-Меломан» кітап дүкендері; «Звено Алтая» әдеби бірлестігі мүшелері және «Tŏr Altai», «Алтай Изумрудный», «Кедр» әдеби журналдарының редакциялық алқалары өз экспозицияларын келушілер назарына ұсынды.
Жаңа Бұқтырма кентінен осы шараға арнайы келген Наталья Стрельцова балаларға арналған "Хочу на маленький остров" және "Лунная кошка" өлеңдер жанақтарын ұсынса, жазушы Савелий Мужчиль өзінің кітаптарымен таныстырды.
Салонды зиялы қауым өкілдері: Қаңтарбаев Әлібек Қалиұлы – журналист, публицист, ақын, Қазақстан Жазушылар одағы мен Журналистер одағының мүшесі, Қазақстан Жазушылар одағының Шығыс Қазақстан облыстық филиалының директоры; Пуссеп Геннадий Николаевич – ақын, журналист, кітап шығарушы, Қазақстан Журналистер одағының мүшесі, Ресей Жазушылар одағының мүшесі; Матвеева Наталья Семеновна – ақын, «Звено Алтая» Шығыс Қазақстан облыстық әдеби бірлестігінің төрағасы және т. б. салтанатты түрде ашып, меркемен құттықтап ізгі лебіздерін білдірді.
Баспа өнімдерінің көрмесі, кітап жәрмеңкесі 23 сәуірге дейін жұмыс істейтін болады. Аймақтық әдебиеттің заманауи даму тенденцияларына қызығушылық танытатын барша қауымды шараға қатысуға шақырамыз. Баспа индустриясының жаңалықтарымен бірге танысып, кітап оқу беделін асырып, Қазақстандықтар «Оқырман ұлт!» деп мақтанышпен атайық!