«Ұлы Даланың Ұлы тұлғалары» көрменің ашылуы

18 ақпан күні А. С. Пушкин атындағы Шығыс Қазақстан облыстық кітапханасында 2022 жылғы мерейтойларға арналған "Ұлы Даланың Ұлы тұлғалары" атты интерактивті көрме салтанатты түрде ашылды.
Салтанатты ашылуға мерейгерлер Қазақстан Жазушылар Одағының ШҚ облыстық филиалының директоры Әлібек Қаңтарбаев, журналист, жазушы Шәкерхан Әзмұхамбетов пен ШҚО бойынша Қазақстан халқы Ассамблеясы Қоғамдық келісім кеңесінің төрағасы Геннадий Пуссеп, өлке зерттеушісі Ольга Тарлыкова т.б. зиялы қауым өкілдері қатысып, ізгі лебіздерін білдірді.
Көрменің ашылуына оқушылар, студенттер, мемлекеттік қызметкерлер, қаланың педагогикалық және шығармашылық қоғам өкілдері қатысты.
Іс-шараға қатысушылар «Елім» деп туған мерейгерлердің керемет өмірі мен шығырмашылығы туралы шараға қатысушылар жерлестердің естеліктері, фото мен бейнематериалдар, әдебиеттермен танысты.
"Ұлы Даланың Ұлы тұлғалары" көрмесі кітапханада жыл көлемінде жұмыс істеп, белгілі мерейтой иелеріне арналған іс-шаралар циклін өткізуге жақсы бастама. Келіңіздер, бабалар рухына бас ие отырып, олардың ерлігі мен еңбегін насихаттайтын қызықты да танымды, интерактивке толы көрмемен танысыңыздар!
Қаңтарбаев Әлібек Қалиұлы, Қазақстан Жазушылар Одағының Шығыс Қазақстан облыстық филиалының директоры:
Ұлы Дала-көптеген көрнекті мемлекет қайраткерлерінің, белгілі ақындар мен жазушылардың, дарынды әртістер мен музыканттардың туған жері. Осы көрнекті адамдардың есімдерін білу, есте сақтау және құрметтеу – біздің парызымыз және қасиетті міндетіміз. Көрме жастардың үлкен қызығушылығын тудырып, қоғамдық резонанс тудыратынына сенімдімін.
Сарипова Қатиза Байбазаровна, ҚР білім және ғылым министрлігінің «Білім саласының үздігі» төсбелгісі иегері, Күршім ауданының Құрметті азаматы
Ақпараттық мазмұнды, танымдық көрме оқырманға еліміздің тарихына алтынмен жазылған жарқын есімдердің саңлақтарын ұсынады. Бұл көрнекті тұлғалар өз халқына қызмет етудің үлгісін көрсетіп, болашақ ұрпақ үшін құнды өмірлік бағдарларды белгілейді.
Байланыс тел..: 26-13-33 (119)