«Аңыз адам» Дінмұхамед Ахметұлы Қонаевтың туғанына 110 жыл

«Аңыз адам» Дінмұхамед Ахметұлы Қонаевтың туғанына 110 жыл

Биыл қазақтың біртуар азаматы - Дінмұхамед Ахметұлы Қонаевтың туғанына 110 жыл толып отыр. Осыған орай А.С. Пушкин атындағы Шығыс Қазақстан облыстық кітапханасында қайраткерге арналған кітап көрмесі ұймдастырылды. Сіздердің назарларыңызға көрмеге қойылған еңбектердің ең маңызды, қызықты дегендерін ұсынып отырмыз.
Маулипа Ошан, кітапханашы:
Қылышынан қан тамған кеңес өкіметінің тұсында ел ағаларының басты арманы — ұлтын сақтап қалу болды. Олар тәуелсіздік үшін күрес жолында жан алысып-жан берісті. Дәл осындай азаматтардың бірі Дінмұхамед Қонаев еді.
Дінмұхамед Ахметұлы - аса көрнекті мемлекет және қоғам қайраткері, үш мәрте Социалистік Еңбек Ері, Қазақ КСР Ғылым академиясының академигі, техника ғылымдарының докторы, КСРО, шет ел ордеңдері мен медальдарының иегері.
Халқымыздың аяулы перезенті, мемелекет қайраткері Д.Қонаевтың 1992 жылы шыққан «Өтті дәурен осылай» деп аталатын естелік-эссесінде Өзінің балалық шағы мен отбасы туралы, оқу жылдары мен еңбек жолының басталуы және республиканың әр жылдардағы өмірі жайлы әңгімелейді.
Серік Әбдірайымұлының құрастыруымен жарық көрген «Елу жыл ел ағасы» жинағында қайраткердің көз көрген замандастарының, еңбек және соғыс ардагерлерінің, әдебиет және өнер адамдарының, ауылдың қарапайым еңбеккерлерінің естеліктері, сыр-сұхбаттары, жыр-толғаулыры, қызықты хаттар мен тың деректер топтастырылған.
«Қымбатты Димаш Ахметұлы!..» еңбегінде қазақтың біртуар азаматы, мақтанышы болған Д.Ахметұлының атына әр жылдары ел ішінен, қарапайым халықтан келген, сан-алуан мәселені көтерген хаттар жарияланып отыр. Әрбір хатта қайраткерге деген ерекше сүйіспеншілік, терең ризашылық сезімі көрініс тапқан. Бұл хаттар ұлы тұлғаның адами қасиетін, жоғары мәдениетін, тектілігін және ел алдындағы абырой-беделін паш етеді.
Хат оқу.... «Дінмұхамед Ахметұлы Қонаев» атты үш тілде жарық көрген көркемсуретті фотоальбомында тұлғаның балалық шағынан бастап, отбасы, студенттік кезеңдері мен қызмет жолы, іс-сапарларынан сыр шертетін суреттер жинақталған.
⠀Қайраткер өмірінің соңына қарай халқына "Баршаңызға бақыт тілеймін. Мына жүйке жұқартқандай қиын-қыстау күндерде иінді төмен салмай, еңсе көтертер күш-қайрат, мұқалмас жігер, жақсы табыстар тілеймін. Бәрі бір күнгідей болмайды. Сондықтан, арайлап атар әр таңға сеніммен қарайық. Халқым, Саған қалтқысыз қызмет еттім, аманатыңа адал болдым, соңғы демім таусылғанша еліме, жеріме қызмет етуден танбаймын" деген аманат қалдырған екен.
Өзінің саналы ғұмырында елі үшін қажымай-талмай еңбек етудің үлгісі болған Д.Ахметұлын халқы ешқашан есінен шығармайды.
Құрметті оқырмандар! Баршаңызды оқу залында күтеміз!
Байланыс тел.: 26-13-33 (119)