«Рухани қазына-2021» фестивалі өз мәресіне жетті

21 мамыр – Қазақстанның Мәдениет және өнер қызметкерлері күні, еліміздің 2021 жылғы мәдени астанасы Көкшетау қаласында «Рухани қазына-2021» фестивалінің қорытынды іс-шарасы – мәдениет және өнер саласындағы ұйымдар мен қызметкерлер арасындағы республикалық конкурстың жеңімпаздарын марапаттау рәсімі өтті.

"Рухани қазына" байқауы төртінші жыл қатарынан мәдениет пен өнер саласындағы дарынды мамандарды қолдау үшін өткізіліп келеді. Биылғы жылы байқаудың 50 түрлі номинациясына қатысу үшін мемлекеттік мұражайлардан, кітапханалардан, қоғамдық орталықтар мен ауылдық клубтардан 300-ден астам өтінім келіп түсті.

Шығыс Қазақстан облысының кітапхана қоғамдастығы төрт негізгі номинацияда жеңіске жетті:

 

«Балалар мен жасөспірімдерді оқуға тарту бойынша үздік инновациялық жоба» – А.С. Пушкин атындағы Шығыс Қазақстан облыстық кітапханасы.

«Қазақстанның ұлттық электронды кітапханасын толықтыруға және дамытуға қосқан үлесі үшін» – Шығыс Қазақстан облыстық Абай атындағы әмбебап кітапханасы.

«Кітап оқу мен кітапты жылжыту жөніндегі үздік медиа жоба» – Шығыс Қазақстан облыстық балалар мен жасөспірімдер кітапханасы.

«Үздік ауылдық маңызы бар кітапхана» – Шығыс Қазақстан облысы Глубокое ауданының Бобровка ауылдық кітапханасы.

Құрметті әріптестер, марапаттарыңыз құтты болсын!!! Еңбектеріңізге жеміс, шығармашылық табыс, бастамаларыңызға сәттілік тілейміз!