«Бүгінгінің Қажымұқандары» онлайн кездесу

7 сәуір күні сағат, 15.00 де А.С. Пушкин атындағы кітапхананың ұйымдастыруымен, инстаграм mukhit_tursynov парақшасында екі дүркін Әлем чемпионы, Азия чемпионы, сегіз дүркін ҚР чемпионы, «Қазақстан Барысы» республикалық турнирінің жеңімпазы, «Еуразия Барысы» халықаралық турнирінің жеңімпазы Мұхит Тұрсыновпен тікелей эфирде онлайн кездесу өтеді.

7 сәуір – Дүниежүзілік денсаулық күні. Бұл атаулы күн Дүниежүзілік денсаулық сақтау ұйымының құрылған күнінде аталып өтіледі. Сондықтан, жастарды мектеп жасынан бастап спортқа баулу, өскелең ұрпақтың санасына салауатты өмір салтын ұстана өмір сүруді насихаттаудың маңызы зор.

"Қазақша күрес" ежелгі күрес өнерін дәріптеу және халықты салауатты өмір салтын ұстануға ынталандыру мақсатында облыстық А.С. Пушкин атындағы кітапхана екі дүркін Әлем чемпионы, Азия чемпионы, сегіз дүркін ҚР чемпионы, «Қазақстан Барысы» республикалық турнирінің жеңімпазы, «Еуразия Барысы» халықаралық турнирінің жеңімпазы Мұхит Тұрсыновпен онлайн кездесу өткізеді.

Мұхит Тұрсынов Шығыс Қазақстан облысы Абай ауданында 1988 жылы дүниеге келген. Кішкентайынан әкесінің жанында жүріп, оның жетістіктерін көріп, күреске деген ықыласы арта түседі. Кездесу барысында әкесі сияқты танымал спортшы болып, қазақ елін әлемге танытуды армандаған Мұхит Тұрсыновтың өмірбаянымен, жеңіс пен жеңіліс жолдары туралы толығырақ таныс боласыздар.

Атақты спортшымыз өзіне қойылған сұрақтарға жауап беріп, балалық шақтарын, күреске келу жолдарымен, бастан кешкен қызықты оқиғаларымен бөліседі. Күреспен айналысып, «Ертеңгі күні чемпион атанамын» деген жастарға ақыл-кеңес айтылады. Қонағымыз халықаралық жарыстарда көрсеткен өнерін, алған әсерлері жөнінде ой бөлісіп, келешек жоспарлары туралы әңгімелейді

Негізгі мақсаты: Ұлттық спорт түріне қызығушылықты арттыру және халықты салауатты өмір салтын ұстануға ынталандыру.

Байланысшы: Иманжанова Арайлым

Байланыс тел.: 26-39-46