Қазақстан Республикасының Тәуелсіздік күнін мерекелеу аясында 2020 жылғы 15 желтоқсанда Қазақстан Республикасының Президенті Қ. Тоқаевтың

Қазақстан Республикасының Тәуелсіздік күнін мерекелеу аясында 2020 жылғы 15 желтоқсанда Қазақстан Республикасының Президенті Қ. Тоқаевтың атынан ШҚО әкімі Д. Ахметовтың қатысуымен мемлекеттік наградалармен марапаттау рәсімі өтті.
⠀
Шығыс Қазақстан облысының әкімі Даниал Кенжетайұлы ШҚО мәдениет басқармасының «Ертіс концерт» КМҚК әншісі Әділ Біләлұлы Тұрғанбаевқа «Ерен еңбегі үшін» медалін табыстады. Және дәл осындай марапат Әміре Қашаубаев атындағы мемлекеттік филармониясының әншісі Берік Құдайбергенұлы Омаровқа берілді.
⠀
Егеменді еліміздің төл мерекесі қарсаңында, Қазақстан Республикасы Мәдениет және спорт министрлігінің ведомстволық наградасы - «Мәдениет саласының үздігі» төсбелгісімен Шығыс Қазақстан облыстық драма театры әдебиет бөлімінің меңгерушісі Шолпан Лақаева, актерлері Ниязбеков Қанатбек пен Бақтыбаева Гүлбақыт, Ә. Қашаубаев атындағы облыстық филармониясының әртістері Қамидолдин Қайрат Батырбекұлы, Малгаждарова Алмагул Нығметқызы, Салиева Күләнда Сайтмұхаметқызы, Өмірбеков Нұрбек Қуандықұлы, Зайсан ауданы Кенсай ауылыдық мәдениет үйінің директоры Манарбек Құсманұлы Ибраев марапатталды.
⠀
Сондай-ақ, «Қазақстанның құрметті кітапханашысы» төсбелгісімен А.С. Пушкин атындағы ШҚО қызметкерлері Бахтылы Секеновна Рахимбаева, Ракия Нуралиновна Уалханова, Раушан Слямбековна Мязова марапатталды.
⠀
ҚР Президенті Қасым-Жомарт Тоқаевтың «Халық алғысы» төсбелгісімен А.С. Пушкин атындағы ШҚО кітәпхана анықтама-библиографиялық қызмет орталығының жетекшісі Меруерт Нигметолдановна Кемешева және «Ертіс концерт» КМҚК әншісі Нұргүл Қабдоллаева марапатталды.
⠀
Марапаттарыңыз құтты болсын! Мерейлеріңіз үстем болсын!
Сіздерге зор денсаулық, шығармашылық табыс тілейміз!