21 маусым күні қаланың Орталық алаңында Шығыс Қазақстан облыстық филармониясының шығармашылық ұжымдары мен солистерінің концерттік маусымның жабылуына арналған қорытынды концерттерінің төртінші күні өтті

21 маусым күні қаланың Орталық алаңында Шығыс Қазақстан облыстық филармониясының шығармашылық ұжымдары мен солистерінің концерттік маусымның жабылуына арналған қорытынды концерттерінің төртінші күні өтті.  Маусымның соңғы аккорды ретінде «Alem Sazy» вокалды-аспаптық ансамблінің «Одинокий саксофон в седой ночи» атты концерттік бағдарламасы ұсынылды. Бұл музыкалық кеш әндері миллиондаған тыңдармандардың жүрегінен орын алып келе жатқан көрнекті өнер иелері — Батырхан Шүкенов пен Юрий Шатуновтың шығармашылығына арналды. Концерттік бағдарламаға Анара Шакенова, Эльдар Уадинов, Нұргүл Қабдоллаева, Әсем Рыспаева, Данияр Джаутиков, Евгений Выблов қатысты. Сахна төрінде шынайылыққа, жылулыққа және жүрекке жақын естеліктерге толы сүйікті әндер шырқалып, көрермендер мен өнерпаздарды ерекше рухани атмосферада тоғыстырды. Концерттік кеш шығармашылық маусымның жарқын да әсерлі қорытындысына айналып, қонақтарға ұмытылмас эмоциялар, сүйікті әуендер мен бірге өткізген әрбір шығармашылық сәт үшін алғыс сезімін сыйлады.
Жаңа концерттік маусымда қайта қауышқанша!