Рухани жаңғыру: Ұлы дала тарих толқынында

2020 ж. 23 қазан күні, сағат 15.00 –де А.С. Пушкин атындағы кітапхананың ұйымдастыруымен Facebook, @ Тұрсынхан Зәкенұлы парақшасында Тұрсынхан Зекенұлымен онлайн кездесу өтеді.
Қазіргі қазақ әдебиеті тарихи проза жанрының көрнекті өкілдерінің бірі Тұрсынхан Зәкенұлының шығармашылығына арналған тікелей эфирге тарихшылар, студенттермен оушылар, ұлтжанды оқырмандар, әдебиет сүйер қауым, әлеуметтік желіні пайдаланушылар шақырылады. 2007-2011 жылдары С.Аманжолов атындағы Шығыс Қазақстан мемлекеттік университетінде доцент болып жұмыс істеген ғалым 2009 жылы әл-Фараби атындағы Қазақ ұлттық университетінде докторлық диссертациясын қорғап 2011 жылдан Л.Гумилев атындағы Еуразия ұлттық университетінің шығыстану кафедрасында профессор.
Професссордың ғылыми бағыты – көне түркі, моңғол және ойрат тарихын, Қытайдағы қазақ диаспорасының тарихын зерттеу. "Көк бөрілердің көз жасы", "Мәңгітас", "Балқан тауға барғандар" (Аттила) атты тарихи романдардың және көптеген ғылыми еңбектер мен монографиялардың авторы.
Автордың «Көк бөрілердің көз жасы» романы Қазақстан тәуелсіздігінің 10 жылдығына арналған мемлекеттік конкурстың бас жүлдесін (2001), «Күлтегін ескерткіші» атты монографиясы түркология саласындағы үздік жетістігі үшін берілетін Күлтегін сыйлығын иеленген (2019).
Іс-шараның мақсаты - ХІІ ғасырдың соңы - ХІІІ ғасырдың басында қазіргі Қазақстан жерінде болған оқиғаларды бүінгі ұрпаққа академиялық ізденістер емес көркем бейнелер арқылы жеткізу.

Байланысшы: Кемешева Меруерт
Байланыс тел.: 26-13-33 (123)