Қаламгер Әлібек Қаңтарбаевпен рухани сұхбат-кездесу

Қаламгер Әлібек Қаңтарбаевпен рухани сұхбат-кездесу

25 қараша күні А.С. Пушкин атындағы Шығыс Қазақстан облыстық кітапханасында белгілі қаламгер, публицист, ақын, Қазақстан Жазушылар одағының Шығыс Қазақстан облысы бойынша өкілі, халықаралық «Алаш» әдеби сыйлығының иегері, ҚР-ның еңбек сіңірген қайраткері Әлібек Қаңтарбаевпен рухани кездесу өтті. Іс-шара қаламгердің мемлекет тарапынан берілген жаңа марапат – «Қазақстанның еңбек сіңірген қайраткері» атағын иеленуіне орай ұйымдастырылды.

Рухани кешке әдебиет пен мәдениет өкілдері, қоғам қайраткерлері, өнер адамдарымен қатар, кітапхана оқырмандары, жас қаламгерлер қатысып, жылы лебіздері мен құттықтауларын білдірді.

Шығыс Қазақстан облысы мәдениет басқармасының басшысы Самат Қасенов, қоғам қайраткері Түсіпхан Түсіпбеков, С.Аманжолов атындағы ШҚУ ректоры Мұхтар Төлеген, жазушы Жұмағазы Игісінов, журналист Олжас Керей сөз сөйлеп, қаламгердің ұлттық руханиятқа қосқан елеулі үлесін атап өтті. Облыстық Мәдениет басқармасы ел ағасына шапан жауып, ШҚУ ректоры сый-сияпат көрсетті. Әлібек ағамыздың шәкірттері де өздерінің жылы лебіздерін өлеңмен өрнектеп жеткізді.

Кеш иесі Әлібек Қалиұлы өз шығармашылық жолымен, әдемі, әсерлі естеліктерімен бөлісті. Қаламгердің сөзіне жазылған әнді филармония солистері орындап, мерекелік шараға ерекше реңк берді.

Шара соңында күйшілердің орындауындағы қазақтың дәстүрлі күйлері тартылып, «Өнер мұраты – сөз қуаты» кеші ұлттық рухпен түйінделді.

 

Байланысшы: Аскерхан Ақтай Тел.:8 701 183 0084