«Қош келдің, әз-Наурыз» мерекесі!

2025 жылдың 14 сәуірінде Шығыс Қазақстан облысының білім басқармасы мен «Халық әртістері ағайынды Абдуллиндер атындағы Шығыс Қазақстан өнер училищесі» КМҚК облыстық «Қош келдің, Әз-Наурыз!» мерекесін өткізді. Іс-шараға облыс колледждері қатысты.

Мерекемен құттықтаған ШҚО білім басқармасының техникалық және кәсіптік білім беру бөлімінің басшысы Г. Искакова  биыл Наурыз мерекесі  барлық оқу орындарында  іс-шаралар  ұлттық  салт-дәстүрді  дәріптеуге бағытталғанын атап өтті.

«Қош келдің, әз-Наурыз!» мерекесі аясында келесі іс-шаралар өткізілді:

- «Әз- Наурыз»  шеруіне - «Қыдыр ата», құсбегі бүкітімен, құмай тазы, ұлттық киім киген қыз жігіттер қатысты;

- Мерекелік концерт;

-  «Беташар», «Тұсау кесер» - салт- дәстүрлері;

- «Шебер қолдар» көрмесі;

- «Наурыз-жыл басы» Қазақстан халықтары ұлттық тағамдарының жәрмеңкесі;

- Ұлттық ойындар: асық ату, тоғызқұмалақ;

- Спорттық жарыстар: армрестлинг, арқан тарту

Түрлі-түсті безендірілген киіз үйлерде мереке қонақтарына бауырсақ, Наурыз – көже, палау және басқа да ұлттық тағамдар ұсынылды.

Жарыстар мен байқаулардың жеңімпаздары сыйлықтармен марапатталды.