«Дарынды балаларға - талантты ұстаз» республикалық педагогикалық олимпиадасы
Жас педагогтердің шығармашылық әлеуетін және өзін-өзі дамытуына жағдай жасау, білім беру жүйесін жетілдіруге жас мұғалімнің кәсіби көзқарасын қалыптастыру мақсатында 2024 жылдың 4-6 наурыз аралығында Алматы қаласында «Дарынды балаларға - талантты ұстаз» республикалық педагогикалық олимпиадасының аймақтық кезеңі жеңімпаздары атанған жас мұғалімдердің арасында байқау өтті.
Аталған педагогикалық Олимпиаданың республикалық кезеңіне республикамыздың әр аймағындағы білім беру ұйымдарының 0-5 жыл еңбек өтілі бар тәлімгер, психолог, педагог қатарынан 180 – нен астам мұғалім қатысты.
Олимпиада барысында сайысқа түскен жас ұстаздар заманауи талаптарға сәйкес білім беру технологияларын пайдаланудың тиімділігін, өздерінің кәсіби іс-тәжірибелерін, жұмыс жүйесінде қолданып жүрген идеялары мен жобаларын көрсетті.
Республикалық байқау комиссиясың қатысушылардың кәсіби шеберліктерін, заманауи талаптарды игерулерін, коммуникативтіліктері мен мамандығы туралы ойының қалыптасу деңгейлерін бағалау нәтижесінде Шығыс Қазақстан облысының намысын қорғаған 8 педагогтің 6 жеңімпаз және жүлдегерлер атанды.
Комиссия шешімі бойынша:
І орын
- Досболов Ықыласжан Набибулаевич, Самар ауданы бойынша ББ «Мектеп-бөбекжай-балабақша кешені» КММ математика пәні мұғалімі;
- Демьянова Инесса Сергеевна, ШҚО ББ «Физика, математика, информатика саласындағы дарынды балаларға арналған облыстық мамандандырылған мектеп-лицейі» КММ орыс тілі мен әдебиеті пәнінің мұғалімі;
ІІ орын
- Рахымбиұлы Нұртас, Зайсан ауданы бойынша білім бөлімінің «Қаратал орта мектебі» КММ математика пәні мұғалімі;
ІІІ орын
- Баяхметов Ілияс Мейрамгазыұлы, Тарбағатай ауданы бойынша ББ «Абай атындағы орта мектебі» КММ тарих пәнінің мұғалімі;
- Мейрамбаев Талант Серікқанұлы, Өскемен қаласы бойынша ББ «М.Шаяхметов атындағы № 23 орта мектебі» КММ аға тәлімгері;
- Фазымова Аяулым Жеңісқызы, Өскемен қаласы бойынша ББ «Ш.Уәлиханов атындағы №3 орта мектебі» КММ педагог-психологі.
Жеңімпаздар мен жүлдегерлер ҚР Оқу-ағарту министрлігі «Дарын» ҰҒПО-ның І,ІІ,ІІІ дәрежелері дипломдарымен марапатталды.
Республикалық педагогикалық олимпиадада Шығысымыздың намысын бермеген жас мұғалімдерімізді жеңістерімен құттықтаймыз, шығармашылық табыс тілейміз!