«Шағын жинақты мектептерде бастауыш сыныптарда математиканы оқыту әдістемесі» облыстық онлайн семинар

ШҚО ББ «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы» КММ жылдық жоспарына сәйкес 2023 жылдың 13 қазан қыркүйек күні «Шағын жинақты мектептерде бастауыш  сыныптарда математиканы оқыту әдістемесі» тақырыбында бастауыш сынып мұғалімдерімен облыстық онлайн семинар өткізді.

Мақсаты: Бастауыш сынып оқушыларының математикалық сауаттылығын дамыту және білім алушылардың танымдық ынтасын арттыру, жан жақты тәрбие берудің тиімді әдіс - тәсілдерімен тәжірибе бөлісу, әдістемелік көмек беру.

 Шараға облыстың шағын жинақты мектептерінің  бастауыш сынып мұғалімдері барлығы 100 адам қатысты.

Шара барысында ШҚО ББ Өскемен қаласы әкімдігінің «№35 орта мектебі» КММ  директордың оқу ісі жөніндегі орынбасары, Педагогикалық шеберлік орталығының тренері,  педагог-зерттеуші Муратбек Д.Н. «Математика сабақтарында қалыптастырушы бағалауды ұйымдастыру ерекшеліктері»;

ШҚО ББ «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы» КММ Халықаралық зерттеулер мен ынтымақтастықтың әдістемелік бөлімінің басшысы Мұқанова А.Қ. «TIMSS халықаралық зерттеудегі математикалық сауаттылық бағыты бойынша 4 сыныптың дайындығы»;

ШҚО ББ Күршім ауданы бойынша білім бөлімінің «Тақыр негізгі орта мектебі» КММ, бастауыш сынып мұғалімі педагог-зерттеуші Жақиянова Н.С. «Шағын жинақты мектептерде бастауыш сыныптарда математика пәнін оқытуда біртақырыптық сабақ жоспарын құру кезінде тиімді әдіс-тәсілдерді қолдана отырып, күрделі тақырыптарды меңгерту жолдары»;

ШҚО ББ Ұлан ауданы бойынша білім бөлімінің «Р. Марсеков атындағы орта мектебі» КММ, бастауыш сынып мұғалімі, педагог-зерттеуші Кутубаева  Л. К. «Бастауыш сыныптарда логикалық есептерді шешудің тиімді жолдары»;

ШҚО білім басқармасының Катонқарағай ауданы бойынша ББ «Қалихан Ысқақов атындығы орта мектебі» КММ бастауыш сынып мұғалімі, педагог-зерттеуші Аскабилова К.К. «Пәнаралық байланыс арқылы оқушылардың функционалдық сауаттылығын арттыру» тақырыптарында өз іс-тәжірибелерімен бөлісті.

Қатысушылар  кері байланыста бастауыш сыныптарда  математика пәнінен білім алушылардың тиімді әдіс-тәсілдердің практикалық маңыздылығын, тәжірибеде қолдану үшін әдістемелік көмек алғандарын атап өтті.

Модератор: Бошаева Гульнара Манашевна, білім беру ұйымдарының білім беру менджменті және мониторингі әдістемелік бөлімінің әдіскері.