Шығыс Қазақстан облысы білім басқармасының «Шығыс» өңірлік орталығының жылдық жоспарына сәйкес облыстың жалпы білім беретін мектептерінің тарих, қазақ тілі, география және музыка пәндері мұғалімдері үшін «Үздік өлкетану сабағы-2020» облыстық байқауының жеңімпаздарының іс-тәжірибесін тарату мақсатында «Өлкетану пәнін оқытудың ғылыми-әдістемелік тәсілдері» облыстық онлайн-панорамасын өткізеді.
Мақсаты – өлкетану сабағын оқытуда аймақтық компонентті пайдаланудағы тиімді тәсілдерімен тәжірибе бөлісу.
Онлайн-панорамада облыстық байқаудың жеңімпаздары: Ахметжанова Гүлназ Каматаевна, педагог- зерттеуші, Зайсан қаласы, «Ю. Гагарин атындағы орта мектеп» КММ қазақ тілі мен әдебиеті пәнінің мұғалімі; Ләззат Маутхан, педагог-зерттеуші, Өскемен қаласы «Шәкәрім атындағы №1 орта мектебі» КММ тарих пәні мұғалімі; Арманова Айдана Арманқызы, педагог-модератор, Зайсан ауданы, «Жамбыл атындағы негізгі орта мектебі» КММ география пәні мұғалімі; Тукпиева Ансаган Ибраевна, педагог- зерттеуші, Тарбағатай ауданы, «Ғ.Мүсірепов атындағы орта мектебі»КММ музыка пәнінің мұғалімі іс-тәжірибелерімен бөліседі.
Өтетін мерзімі: 2021 жыл 21 қаңтар, сағат 15.00-де қазақ тілінде оқытатын мектептер үшін.