Дене шынықтыру пәні педагогтері арасында ұйымдастырылған облыстық хоккей жарысы

2026 жылдың 20 ақпанында ШҚО ББ Örken Шығыс Қазақстан өңірлік білім беруді ақпараттандыру және дамыту ғылыми-әдістемелік орталығының ұйымдастыруымен дене шынықтыру пәні педагогтері арасында облыстық хоккей ойыны Өскемен қаласы Б. Александров атындағы спорт сарайында өткізілді.

Шараның мақсаты – педагогтер арасында салауатты өмір салтын насихаттау, бұқаралық спортты дамыту және әріптестік байланысты нығайту. Аталған іс-шараға Өскемен, Риддер қалаларынан, сондай-ақ Ұлан ауданынан командалары қатысты. Жарыс барысында қатысушылар спорттық дайындықтарының жоғары деңгейін көрсетіп, әділ, әрі тартысты ойын көрсетті.

Жарыс қорытындылары:

І орын – Өскемен қалалық командасы

ІІ орын – Ұлан ауданының командасы

ІІІ орын – Риддер қаласының командасы

Барлық ойыншыларға белсенді қатысқандары үшін алғыс білдіреміз және жеңімпаздарға толағай табыс тілейміз.