«Болашақтың цифрлық құзыреттері» пилоттық курсы аясында өткен «Future Digital Skills» облыстық хакатонының қорытындысы

«Digital Kazakhstan» мемлекеттік бағдарламасын іске асыру шеңберінде 2025 жылғы 26 желтоқсанда пилоттық жобаға қатысушы жалпы білім беретін мектептердің 7–8 сынып оқушылары арасында «Future Digital Skills» облыстық хакатоны өткізілді.

Хакатонның негізгі мақсаты – оқушылардың цифрлық сауаттылығын, инженерлік және алгоритмдік ойлауын дамыту, сондай-ақ бағдарламалау бойынша практикалық дағдыларын қалыптастыру. Іс-шара оқушылардың заманауи цифрлық технологияларға, инженерия мен кәсіпкерлікке қызығушылығын арттыруға, білімдерін нақты инженерлік және жобалық міндеттерді шешу барысында қолдануға бағытталды.

Хакатон барысында қатысушылар Python бағдарламалау тілі, Artisan PiBody микроконтроллерлері, 3D-модельдеу, сондай-ақ жобалық ойлау дағдыларын көрсетті. Командалық жұмыс аясында оқушылар өз шешімдерінің прототиптерін әзірлеп, жобаларын ұсынды және сарапшылар алқасының алдында қорғады.

Хакатон «Digital Kazakhstan» бағдарламасы аясындағы «Цифрлық сауаттылықты дамыту» бағыты бойынша жүзеге асырылатын «Болашақтың цифрлық құзыреттері» пилоттық курсы шеңберінде өтті және оқушылардың цифрлық, инженерлік және кәсіпкерлік құзыреттерін дамытуға бағытталған кешенді іс-шаралардың бір бөлігі болып табылады.

STEM бағытын енгізу бойынша пилоттық жобаға Шығыс Қазақстан облысы Өскемен қаласының төрт білім беру ұйымы қатысты, олардың базасында «Artisan Education» білім беру платформасы мен жабдықтары енгізілді:

• «Сағадат Нұрмағамбетов атындағы №4 орта мектеп» КММ;
• «Шоқан Уәлиханов атындағы №3 мектеп-лицей» КММ;
• «Облыстық мамандандырылған IT мектеп-лицейі» КММ;
• «№41 жалпы білім беретін мектеп» КММ.

Төрт апталық тәжірибеге бағытталған білім беру бағдарламасы барысында оқушылар келесі бағыттарды меңгерді:

• Artisan PiBody жиынтығы негізінде Python бағдарламалау;
• Tinkercad ортасында 3D-модельдеу;
• өз жобалық идеяларын әзірлеуге, ұсынуға және қорғауға бағытталған «Стартап» курсы.

Хакатон қорытындысы бойынша жеңімпаздар анықталды:

• I орын – «Dream» командасы, Качесов Даниил Максимович, Катернюк Егор Владиславович, Турковский Тимофей Григорьевич, ШҚО ББ Өскемен қаласы бойынша «Сағадат Нұрмағамбетов атындағы № 4 орта мектебі» КММ;
• II орын – «IT-stem» командасы, Сарғазин Жантемір Талғатұлы, Серік Шәкәрім Айдынұлы, Руфатқызы Айзере, Сейлханов Алихан Амангельдыұлы,
  ШҚО ББ «Облыстық мамандандырылған IT мектеп-лицейі» КММ;
• III орын – «Team Spirit» командасы, Минцафин Манцур Александрович, Мусин Нуржан Рашидович, Мұратпеков Арлан Айдарұлы, Стрекмет Артем Алексеевич, Халел Ислам Серікұлы, ШҚО ББ Өскемен қаласы бойынша «Сағадат Нұрмағамбетов атындағы № 4 орта мектебі» КММ.

I орын алған команда 2026 жылғы қаңтар айында Астана қаласында өтетін Республикалық финалдық хакатонға қатысады.

Хакатонның өткізілуі оқушылардың болашақ цифрлық құзыреттерін қалыптастырудағы тәжірибеге бағытталған тәсілдің тиімділігін растады және STEM-пәндер мен заманауи технологияларды меңгеруге деген жоғары мотивациясын көрсетті.