«Психологиялық қызметтердің жұмысындағы инновациялық тәжірибелер» атты облыстық форум
Қазақстанда 25 желтоқсанда атап өтілетін психолог күніне орай ШҚО білім басқармасының «Өңірлік психологиялық қолдау және көмек орталығы» КММ 2025 жылғы 19 желтоқсанда «Психологиялық қызметтердің жұмысындағы инновациялық тәжірибелер» атты облыстық форум өткізді.
Форумға мектепке дейінгі, орта, техникалық және кәсіптік білім беру ұйымдарының педагог-психологтары қатысты.
Спикерлер ретінде Психологиялық технологиялар академиясының басшысы, психология ғылымдарының кандидаты, супервизор, полимодальды психотерапевт Ковалев Сергей Эдуардович, Қазақстан-Американдық еркін университеті «Педагогика және психология» кафедрасының аға оқытушысы, әлеуметтік ғылымдар магистрі, Институционалдық зерттеулер орталығының директоры, педагог-психолог-практик Фёдорова Ирина Алексеевна, № 70 бөбекжай-балабақшасының психологы, сертификатталған арт-терапевт, отбасылық реттеуші, трансформациялық ойындар мен оқу курстарының жүргізушісі Сергиенко Ольга Алексеевна, ШҚО психикалық денсаулық орталығының психологы; гештальт-терапевт, отбасылық психолог Тоқтағанова Перизат Ақылбекқызы,
психология және педагогика магистрі, трансакциялық талдау психологы Баян Ақмарал шақырылды.
Форумды жүргізу барысында орталық басшысы Куземко Л.П. спикерлерді әңгімеге тарта отырып, білім беру ұйымдары педагог-психологтарының кәсіби өсуі, заманауи технологияларды енгізу және психологиялық-педагогикалық қолдау жүйесін дамыту мәселелеріне ерекше назар аударды.
«Полимодальды супервизия психолог тұлғасының кәсіби даму құралы ретінде», «ҚАЕУ тәжірибесі арқылы формалды және ақпараттық білім беру мүмкіндіктері», «Ішкі әлемнен кәсіби биікке: психологтың арт-бағыты», «Транзакциялық талдау өмірімді қалай өзгертті?» сияқты тақырыптардағы спикерлердің баяндамалары қатысушылар тарапынан жылы қабылданып, талқыланған мәселелердің өзектілігі мен маңыздылығын растады.
Форум аясында «Үздік психолог-2025» облыстық байқауының қатысушыларына сертификаттар табысталып, жеңімпаздары мен жүлдегерлері дипломдармен, сондай-ақ психологиялық қызметтерді дамытуға және инновациялық тәжірибелерді енгізуге елеулі үлес қосқан білім беру ұйымдарының педагог-психологтары облыс білім басқармасының алғыс хаттарымен марапатталды.