Информатика пәні мұғалімдерін STEM және білім беру робототехникасы саласында курстық даярлау бағдарламасын «Қазмырыш» компаниясының бас демеушілігімен жүзеге асыру

2025 жылғы 13–22 қазан аралығында Шығыс Қазақстан облысы білім басқармасының «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы «Группа Роботек» ЖШС-мен бірлесе отырып және бас демеуші – «Қазмырыш» компаниясының қолдауымен өңір мектептерінің 26 информатика және робототехника пәні мұғалімдеріне арналған курстық дайындық ұйымдастыруда.

Оқыту «Казцинк» компаниясының қолдауымен Қазақстанның үш облысында педагогтердің біліктілігін арттыруға бағытталған ауқымды жоба аясында өтуде. Алғашқы кезең Өскемен қаласында басталды, ал келесі курстар Ақмола және Ұлытау облыстарының педагогтеріне арналады. Барлығы 2025–2026 оқу жылы ішінде 250 мемлекеттік мектеп мұғалімін даярлау жоспарланған.

Ашылу салтанатында «Роботек» робототехника мектебінің директоры Санжар Шалқарбеков құттықтау сөз сөйлеп, жобаның мектеп білімін жаңғыртудағы және практикалық STEM-біліктеріне ие жаңа буын педагогтерін қалыптастырудағы маңыздылығын атап өтті.

Бағдарлама мұғалімдердің цифрлық және инженерлік құзыреттерін дамытуға, сондай-ақ заманауи технологияларды оқу үдерісіне енгізуге бағытталған. Курс Білім беру және спорттық робототехника саласында педагогтердің кәсіби құзыреттерін қалыптастыру» бағдарламасы негізінде әзірленген (Білім беру министрлігінің 2024 жылғы 23 ақпандағы №8 хаттамасымен бекітілген).